താൻ അനീതിയുടെ ഇര -പെറു ക്യാപ്​റ്റൻ

ലിമ: 1982ന്​ ശേഷം പെറു ആദ്യമായി ലോകകപ്പിൽ പന്തുതട്ടാനൊരുങ്ങു​േമ്പാഴും തെക്കനമേരിക്കൻ രാജ്യത്ത്​ ആരാധ​കരോഷം പടരുകയാണ്​. 36 വർഷത്തിനുശേഷം വിശ്വമേളക്കെത്തു​േമ്പാൾ ലോകം അവർക്കെതിരെ ഗൂഢാലോചന നടത്തുന്നുവെന്നാണ്​ ഒരു ഫുട്​ബാൾ രാജ്യത്തി​​െൻറ പരാതി. ഉത്തേജകമരുന്ന്​ കേസിൽ വിലക്കേർപ്പെടുത്തപ്പെട്ട ക്യാപ്​റ്റനും പടനായകനുമായ പൗലോ ഗരീറ​ക്ക്​ സ്​പോർട്​സ്​ ആർബിട്രേഷൻ കോടതി രക്ഷയാവുമെന്നായിരുന്നു അവരുടെ വിശ്വാസം. എന്നാൽ, വിലക്ക്​ കാലാവധി ദീർഘിപ്പിക്കാനുള്ള കോടതി ഉത്തരവോടെ ഒരു രാജ്യം ഒന്നാകെ പ്രതിഷേധം പടരുന്നു. 

‘‘14 മാസം വിലക്കേർപ്പെടുത്തുക വഴി ലോകകപ്പ്​ സ്വപ്​നങ്ങൾ നശിപ്പിച്ചത്​ അനീതിയാണെന്നായിരുന്നു’’ ^കഴിഞ്ഞദിവസം ലിമയിലെത്തിയ ഗരീറോയുടെ പ്രതികരണം. ‘‘ഇത്​ ഒട്ടും പ്രതീക്ഷിച്ചില്ല. ലോകകപ്പ്​ കളിക്കാൻ സാധിക്കില്ലെന്നത്​ സങ്കടകരമാണ്​. എ​​െൻറ സ്വപ്​നമാണ്​ അവർ തട്ടിത്തെറിപ്പിച്ചത്’’ -ബ്രസീലിയൻ ക്ലബായ ​ഫ്ലെമിംഗോയുടെ സ്​ട്രൈക്കർ പറഞ്ഞു. ആറുമാസത്തെ വിലക്ക്​ അവസാനിച്ച നിലക്ക്​ ഞായറാഴ്​ച പ്രഖ്യാപിച്ച പെറുവി​​െൻറ 25 അംഗ പ്രാഥമിക ടീമിൽ താരത്തെ ഉൾകൊള്ളിച്ചിരുന്നു. എന്നാൽ, ലോസാന്നയിൽ നടന്ന വാദത്തിൽ വിലക്ക്​ നീട്ടണമെന്ന ലോക ഉത്തേജക വിരുദ്ധ ഏജൻസി (വാഡ) യുടെ വാദം സി.എ.എസ്​ അംഗീകരിച്ചതോടെ സ്​​റ്റാർ സ്​ട്രൈക്കറുടെ സ്വപ്​നങ്ങൾ കരിഞ്ഞുപോയി.