ഇഷ്​ടം കൊഴിഞ്ഞുപോയില്ല, കളിയോടൊട്ടി അവർ വീണ്ടും

കൽപറ്റ: കളികളേറെക്കണ്ട മൈതാനത്ത്​ ഇവരുടെ കളി വേറിട്ടതുത​െന്നയാണ്​. അടിതടകളുടെ അങ്കക്കളരിയിൽ ഉശിരോടെ കൊമ്പുകോർക്കു​േമ്പാൾ അവരുടെ മനസ്സകങ്ങളിലെ അടങ്ങാത്ത വാശി മുഖത്തു തെളിയും. സമൂഹം പിന്നാമ്പുറങ്ങളിലേക്ക്​ എത്ര മാറ്റിനിർത്തിയാലും ഒന്നു മുന്നേറിത്തെളിയാനുള്ള വെമ്പലുണ്ട്​ ആ ചുവടുകളിൽ. കരുത്തുണ്ടായിട്ടും പൊള്ളുന്ന ജീവിതയാഥാർഥ്യങ്ങൾക്കു​ മുന്നിൽ കത്തിത്തെളിയാനാകാ​െതപോയ ഒരുകൂട്ടം ആദിവാസി യുവജനങ്ങൾ മാറ്റുരക്കുന്നുവെന്നതാണ്​ കേരള പണിയൻ സമാജം സംഘടിപ്പിച്ച സെവൻസ്​ ഫുട്​ബാൾ ടൂർണമ​െൻറി​​െൻറ ഏറ്റവും വലിയ സവിശേഷതയും. 

വയനാട്ടിലെ ആദിവാസി വിഭാഗക്കാരിൽ ഏറ്റവും പിന്നാക്കംനിൽക്കുന്ന പണിയ സമുദായക്കാർക്കുവേണ്ടിയാണ്​ വെള്ളി, ശനി, ഞായർ ദിവസങ്ങളിലായി ടൂർണ​െമൻറിൽ പന്തുരുണ്ടത്. ജില്ലക്കകത്തുനിന്നും നിലമ്പൂരിൽനിന്നുമായി പണിയ സമുദായക്കാർ മാത്രം ബൂട്ടുകെട്ടിയിറങ്ങിയ ടൂർണമ​െൻറിൽ മാറ്റുരച്ചത്​ 32 ടീമുകൾ. കൽപറ്റ ജി.വി.എച്ച്​.എസ്​.എസ്​ ഗ്രൗണ്ട്​ വേദിയായ ടൂർണമ​െൻറിൽ ചുരുങ്ങിയത്​ 300 പണിയ യുവാക്കളെങ്കിലും ഫുട്​ബാളി​​െൻറ ആവേശത്തിനൊപ്പം കുപ്പായമിട്ടിറങ്ങി. 

കരുത്തും വേഗവും പന്തടക്കവുമൊക്കെ മേളിച്ച ചടുലചലനങ്ങളുമായി ടീമുകൾ വീറോടെ പോരടിച്ചപ്പോൾ ആവേശക്കാഴ്​ചകള​ുണ്ടായിരുന്നു ഒാരോ മത്സരത്തിലും. ഏറെ കാണികളും​ ഹരം പകർന്നു. കളിക്കാനെത്തിയ മിക്ക താരങ്ങളും കൂലിപ്പണിക്കാരായിരുന്നുവെന്നതാണ്​ ടൂർണമ​െൻറി​​െൻറ വലിയൊരു സവിശേഷത. കുഞ്ഞുനാളിൽ അപാരമായ പ്രതിഭാശേഷി കാഴ്​ചവെച്ചവരായിരുന്നു കൂടുതൽ പേരും. സ്​കൂൾ ടീമുകൾക്കും ജില്ല ടീമുകൾക്കുമൊക്ക ജഴ്​സിയണിഞ്ഞവർ പലരുമുണ്ടായിരുന്നു കളത്തിൽ. മാർഗദർശികളോ ഗോഡ്​ഫാദർമാരോ ഇല്ലാതിരുന്നതിനാൽ ജീവിതത്തി​​െൻറ ഒാഫ്​സൈഡ്​ ട്രാപ്​ പൊട്ടിച്ചുകയറാനാകാതെ പോയ ഹതഭാഗ്യർ. ജീവിതം വെല്ലുവിളിയായപ്പോൾ പഠനം നിർത്തി കൂലിപ്പണിക്കിറങ്ങിയവരുടെ മനസ്സിൽ കളിയോടുള്ള ഇഷ്​ടംമാത്രം കൊഴിഞ്ഞുപോകാതെ നിൽപുണ്ടായിരുന്നു. കൂലിപ്പണിക്കിടെ​ ഉച്ചഭക്ഷണത്തിനായി ലഭിച്ച ഇടവേളയിൽ ഗ്രൗണ്ടിൽ ബൂട്ടണിഞ്ഞിറങ്ങിയവരും ടൂർണ​െമൻറി​​െൻറ ആവേശക്കാഴ്​ചയായി.​ 

മത്സരങ്ങൾ അമ്പരപ്പിക്കുന്ന നിലവാരമുള്ളവയായിരുന്നുവെന്ന്​ റഫറിയും പ്രമുഖ പരിശീലകനുമായ ലൂയിസ്​ വിലയിരുത്തുന്നു: ‘‘സ്​കില്ലും സ്​റ്റാമിനയും കരുത്തുമൊക്കെ ഏറെയുള്ള കളിക്കാരാണിവർ. ചെറുപ്പത്തിലേ കണ്ടെത്തി ശരിയായ കോച്ചിങ്ങും നിർദേശങ്ങളുമൊക്കെ കിട്ടിയാൽ നാളെയുടെ വാഗ്​ദാനങ്ങളാകാൻ പോകുന്ന ഒരുപാടുപേരുണ്ടിതിൽ. 

ജില്ല എ ഡിവിഷൻ ലീഗിലെ പ്രമുഖ ടീമുകളായ വയനാട്​ ഫാൽക്കൺസും സുഗന്ധഗിരിയുമൊക്ക പല താരങ്ങളെയും തങ്ങളുടെ അണിയിലെത്തിക്കാൻ നീക്കം തുടങ്ങിക്കഴിഞ്ഞു.’’ 300 കളിക്കാരിൽനിന്ന്​ മികച്ച 20 പേരെ തിരഞ്ഞെടുത്ത്​ പരിശീലനം നൽകിയാൽ ഒന്നാന്തരമൊരു ടീമിനെത്തന്നെ കെട്ടിപ്പടുക്കാനാവുമെന്ന്​ ലൂയിസ്​. കോളനികളിലെ പരിമിതമായ ചുറ്റുപാടുകളിൽനിന്നല്ല ഇൗ യുവാക്കൾ ഫുട്​ബാളിനെ കാണുന്നത്​. കോച്ചുമാരൊന്നുമില്ലാത്തതിനാൽ ടെലിവിഷനിൽനിന്നും യൂട്യൂബിൽനിന്നുമൊക്കെ അവർ ഫുട്​ബാളി​​െൻറ പാഠങ്ങൾ പഠിക്കുന്നുണ്ട്​. 

കുറച്ചു വർഷംമുമ്പ്​ പൂക്കോട്​ എം.ആർ.സി സ്​കൂളിനെ സംസ്​ഥാനതല ടൂർണ​െമൻറിൽ ചാമ്പ്യന്മാരാക്കിയ നായകനാണ്​ എസ്​. മണി. പാരിസ്​ സ​െൻറ്​ ജെർമെയ്​നാണ്​ മണിയുടെ ഇഷ്​ട ടീം. ഇഷ്​ടതാരം ചെൽസിയുടെ ഇൗഡൻ ഹസാഡും. മികച്ച ഡ്രിബ്ലിങ്ങും പന്തടക്കവുമുള്ള എൻ.എഫ്​.സി കമ്പളക്കാടി​​െൻറ ധനേഷ്​ ലയണൽ മെസ്സിയുടെയും ബാഴ്​സലോണയുടെയും കട്ട ഫാനാണ്​. കമ്പളക്കാട്​ പ്രീമിയർ ലീഗിൽ മികച്ച കളിക്കാരനായി തിരഞ്ഞെടുക്കപ്പെട്ട വിനീഷ്​ കെട്ടിടനിർമാണ ജോലിക്ക്​ മൂന്നു ദിവസം അവധി നൽകിയാണ്​ ടൂർണമ​െൻറിനെത്തിയത്​. 

ആവേശകരമായ കലാശക്കളിയിൽ എൻ.എഫ്​.സി കമ്പളക്കാടി​നെ ഷൂട്ടൗട്ടിൽ തോൽപിച്ച്​ എ.എഫ്​.സി അംബയാണ്​ മൂന്നാമത്​ പണിയ ടൂർണ​െമൻറിൽ കിരീടം ചൂടിയത്​. പണിയ സമുദായത്തിലെ താരങ്ങൾക്ക്​ അവസരമൊരുക്കാനും അവർക്ക്​ ഒത്തൊരുമിക്കാൻ ഒരു വേദി എന്ന നിലയിലുമാണ്​ ടൂർണ​െ​മൻറിന്​ രൂപം നൽകിയതെന്ന്​ പണിയൻ സമാജം ജില്ല പ്രസിഡൻറ്​ ബാലകൃഷ്​ണൻ വൈത്തിരി പറഞ്ഞു.