ആളുകൾ മരിക്കു​േമ്പാൾ നമ്മൾ പന്തുകളിക്കുന്നതെന്തിന്​?

ലണ്ടൻ: ലോകത്ത്​ ​കോവിഡ്​19 ബാധ പടരു​േമ്പാൾ ഫുട്​ബാൾ മത്സരങ്ങൾ തുടരുന്നതിനെ വിമർശിച്ച്​ ഇംഗ്ലീഷ്​ പ്രീമിയർ ലീഗ്​ ക്ലബായ വോൾവർഹാംപ്​ടണി​​െൻറ പരിശീലകൻ നൂനോ എസ്​പിരിറ്റോ സാേൻറാ. യൂറോപ ലീഗിൽ ഒളിമ്പിയാക്കോസിനെതിരെ അടച്ചിട്ട സ്​റ്റേഡിയത്തിൽ നടന്ന മത്സരത്തിനു പിന്നാലെയായിരുന്നു നൂനോയുടെ വിമർശനം. ഒളിമ്പിയാക്കോസ്​ ഉടമ ഇവാൻജലോസ്​ മിറാനാകിസ്​ കോവിഡ്​19 ബാധിതനാണെന്ന്​ സ്​ഥിരീകരിച്ചതിനു പിന്നാലെയായിരുന്നു കാണികളെ പ്രവേശിപ്പിക്കാതെ, 1-1 സമനിലയിൽ കലാശിച്ച ഈ മത്സരം.

‘ലോകത്ത്​ സംഭവിച്ചുകൊണ്ടിരിക്കുന്ന കാര്യങ്ങളെക്കുറിക്കാലോചിച്ച്​ ഏറെ ഹൃദയവ്യഥയോടെയാണ്​ ഈ മത്സരത്തിൽ കളിക്കാനിറങ്ങിയത്​. ലോകം വലിയൊരു പ്രതിസന്ധിയെ അഭിമുഖീകരിക്കു​േമ്പാഴാണ് നമ്മൾ പന്തുകളിച്ചുകൊണ്ടിരിക്കുന്നത്​. ആളുകൾ അസുഖബാധിതരാവുകയും മരിക്കുകയും ചെയ്യു​േമ്പാഴാണ്​ ഫുട്​ബാളിലെ ഈ മത്സരങ്ങൾ. തീർത്തും അസംബന്ധമാണിത്​. ഇത്​ ഫുട്​ബാളിനപ്പുറമുള്ളതാണ്​. ഒരു സാമൂഹിക അവസ്​ഥയെ നേരിടുകയാണ്​ നമ്മൾ. എല്ലാവരും വ്യാകുലരാണ്​. എന്തെങ്കിലും ചെയ്യേണ്ട സമയമാണിത്​. അടച്ചിട്ട സ്​റ്റേഡിയങ്ങളിൽ മത്സരം നടത്തുകയെന്നത്​ ഒരു പരിഹാരമല്ല. ഇത്​ സാധാരണവുമല്ല. കാര്യങ്ങൾ അസ്വാഭാവികമായിരിക്കുന്ന സമയത്താണ്​ നമ്മൾ സ്വാഭാവിക ജീവിതം നയിക്കുന്നുവെന്ന്​ നടിച്ചുകൊണ്ടിരിക്കുന്നത്​. ഇതിന്​ മറ്റെന്തെിലും പരിഹാരമില്ലേ. ഈ കളികൾ എന്തുകൊണ്ട്​ നമുക്ക്​ നിർത്തിക്കൂടാ’ -നൂനോ ചോദിക്കുന്നു.

​