Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_rightനെയ്​മർ...

നെയ്​മർ ബാഴ്​സയിലേക്ക്​; അഭ്യൂഹങ്ങൾക്ക്​ ശക്​തി പകർന്ന്​ പുതിയ വെളിപ്പെടുത്തൽ

text_fields
bookmark_border
നെയ്​മർ ബാഴ്​സയിലേക്ക്​; അഭ്യൂഹങ്ങൾക്ക്​ ശക്​തി പകർന്ന്​ പുതിയ വെളിപ്പെടുത്തൽ
cancel

പാരിസ്: പി.എസ്​.ജിയുടെ സൂപ്പര്‍ താരം നെയ്​മർ ബാഴ്‌സലോണയിലേക്ക്​ തിരിച്ചെത്തുന്നതുമായി ബന്ധപ്പെട്ട്​ പല അഭ്യൂഹങ്ങളും പരക്കുന്നുണ്ട്​. എന്നാൽ, അതിന്​ ശക്​തി പകർന്നുകൊണ്ട്​ പുതിയ വെളിപ്പെടുത്തൽ കൂടി പുറത്തുവന്നിരിക്കുകയാണ്​. ത​​െൻറ മുൻ ടീമായ ബാഴ്‌സയിലേക്ക് മടങ്ങിപ്പോകുമെന്ന് നെയ്മര്‍ പറഞ്ഞതായി പി.എസ്​.ജിയിലെ സഹതാരങ്ങളാണ്​ വെളിപ്പെടുത്തിയിരിക്കുന്നത്​. മുണ്ടോ ഡിപ്പോര്‍ട്ടീവോയാണ് ഇത് സംബന്ധിച്ച വാർത്ത പുറത്തുവിട്ടത്. ഈ സീസൺ അവസാനിക്കുന്നതോടെ നെയ്മര്‍ ബാഴ്‌സലോണയിലേക്ക് മടങ്ങുമെന്നതരത്തിലാണ് റിപ്പോര്‍ട്ടുകളുള്ളത്​.

റെക്കോഡ്​ തുകയായ 222 മില്യൺ യൂറോക്കായിരുന്നു 2017ൽ ബ്രസീലിയൻ സ്​ട്രൈക്കർ പി.എസ്​.ജിയിലേക്ക്​ ചേക്കേറുന്നത്​. നെയ്​മറി​​െൻറ കരുത്തിൽ ചാമ്പ്യൻസ്​ ലീഗ്​ നേട്ടമായിരുന്നു അവർ ലക്ഷ്യമിട്ടത്​. 100 മില്യൺ ഡോളർ നൽകി താരത്തെ 2022 വരെ ടീമിൽ നിലനിർത്താനുള്ള പി.എസ്​.ജിയുടെ ഒാവർ നെയ്​മർ നിരസിച്ചതായാണ്​ റിപ്പോർട്ടുകൾ. 

ബാഴ്​സയിൽ നിന്ന്​ പി.എസ്​.ജിയിലേക്ക്​ കുടിയേറിയതിൽ ഏറ്റവും കൂടുതൽ പശ്ചാത്തപിക്കുന്നതും ഒരുപക്ഷേ​ നെയ്​മർ തന്നെയാകാം​. ബാഴ്​സയുടെ ആരാധകരിൽ നിന്നും ലഭിച്ച സ്വീകരണമോ പിന്തുണയോ നെയ്​മർക്ക്​ പി.എസ്​.ജി ഫാൻസിൽ നിന്നും ലഭിച്ചിട്ടില്ലെന്നതാണ്​ വസ്​തുത​. ആരാധകരുമായി നെയ്​മർ ജൂനിയർ കൊമ്പുകോർത്ത സംഭവങ്ങളും നിരവധിയായിരുന്നു. പലതവണ പരിക്കുകൾ അലട്ടിയ നെയ്​മർ​ പ്രതീക്ഷിച്ച നിലവാരം പുലർത്തുന്നില്ലെന്ന ആക്ഷേപവും നിലനിൽക്കുന്നുണ്ട്​. 

അതേസമയം, തങ്ങളുടെ കുന്തമുനയെ വിട്ടുനല്‍കാന്‍ പി.എസ്​.ജി തയ്യാറായേക്കില്ലെന്നും സൂചനയുണ്ട്​. കഴിഞ്ഞ സീസണില്‍ റാക്കിറ്റിച്ച്, ഉസ്മാന്‍ ഡെംബല്ലെ, ടോഡിബോ എന്നീ താരങ്ങളെയും 100 മില്യന്‍ യൂറോയും നല്‍കാമെന്ന ബാഴ്‌സയുടെ ഓഫറും പി.എസ്​.ജി നിരസിച്ചിരുന്നു. കോവിഡ്​ ബാധയും ലോക്​ഡൗണും സൃഷ്​ടിച്ച സാമ്പത്തിക പ്രതിസന്ധി മറികടക്കാൻ നെയ്​മറെ വിൽക്കാനുള്ള ഒരുക്കത്തിലാണ്​ പി.എസ്​.ജിയെന്ന തരത്തിലും വാർത്തകളുണ്ടായിരുന്നു. 180 മില്യൺ യൂറോ ആണ്​ ടീം ആവശ്യപ്പെട്ടതത്രേ. 

നെയ്മറെ തിരിച്ചെത്തിക്കാന്‍ ബാഴ്‌സലോണ സൂപ്പര്‍ താരം ലയണല്‍ മെസ്സിക്ക് അതീവ താല്‍പ്പര്യമുണ്ട്. പരിക്ക്​ കാരണം പുറത്തുപോയ സൂപ്പർതാരം ലൂയി സുവാരസി​​െൻറ അഭാവത്തിൽ ടീമി​​െൻറ ഭാരം മുഴുവൻ ചുമക്കേണ്ടി വരുന്ന മെസ്സിക്ക്​ നെയ്​മറി​​െൻറ വരവ്​ ഗുണം ചെയ്​തേക്കും. 2013 മുതൽ 2017 വരെ ബാഴ്​സക്കൊപ്പമുണ്ടായിരുന്ന നെയ്​മർ, മെസ്സിയുടെ കീഴിലൊതുങ്ങിപ്പോകുന്നുവെന്ന പേരിനെ തുടർന്നാണ്​ ടീം വിട്ടതെന്നും ചിലർ ആരോപിച്ചിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:psgneymarFC Barcelona
News Summary - Neymar confirms Barcelona return ambitions to PSG teammates-sports news
Next Story