ഒന്നാം ടെസ്​റ്റിൽ വീണ്ടും മഴയുടെ കളി; ഇന്ത്യ അഞ്ചിന്​ 74

കൊൽക്കത്ത: ഇന്ത്യ-ശ്രീലങ്ക ഒന്നാം ടെസ്​റ്റിൽ വീണ്ടും മഴയുടെ കളി. രാവിലെയെത്തിയ മഴയും വൈകീട്ടത്തെ വെളിച്ചക്കുറവുംമൂലം 21 ഒാവർ മാത്രം കളി നടന്ന രണ്ടാംദിനം സ്​റ്റ​ം​െപടുക്കു​േമ്പാൾ ഇന്ത്യ അഞ്ച്​ വിക്കറ്റ്​ നഷ്​ടത്തിൽ 74 റൺസെടുത്തിട്ടുണ്ട്​. ഇൗർപ്പമണിഞ്ഞ പിച്ചിൽ ലങ്കൻ പേസർമാരുടെ ചീറിപ്പായുന്ന പന്തുകൾക്ക്​ മുന്നിൽ വന്മതിലായി നിലയുറപ്പിച്ച ചേതേശ്വർ പൂജാര (47*) മാത്രമാണ്​ ഇന്ത്യൻ നിരയിൽ രണ്ടക്കം കടന്നത്​. ചെറുത്തുനിൽപ്പിന്​ ശ്രമിച്ചെങ്കിലും അജിൻക്യ രഹാനെയും ആർ. അശ്വിനും നാല്​ വീതം റൺസെടുത്ത്​ പുറത്തായി. പൂജാരക്ക്​ കൂട്ടായി വിക്കറ്റ്​ കീപ്പർ വൃദ്ധിമാൻ സാഹയാണ്​ (ആറ്​) ക്രീസിൽ. ആദ്യ ദിനം മൂന്ന്​ വിക്കറ്റെടുത്ത്​ ലക്​മൽ തിളങ്ങിയപ്പോൾ രണ്ടാം ദിവസത്തെ രണ്ട്​ വിക്കറ്റും സ്വന്തമാക്കി ദാസുൻ ഷനക കരുത്തുകാട്ടി. 

മൂന്നിന്​ 17 എന്ന നിലയിൽ രണ്ടാം ദിനം തുടങ്ങിയ ഇന്ത്യയുടെ സ്​കോർ 30ൽ നിൽക്കെ രഹാനെയെ പുറത്താക്കിയാണ്​ ഷനക ആദ്യ പ്രഹരമേൽപിച്ചത്​. ഒാഫ്​ സ്​റ്റംപിന്​ പുറത്തുവന്ന ​പന്ത്​ ഡ്രൈവ്​ ചെയ്യാനുള്ള രഹാനെയുടെ ശ്രമം വിക്കറ്റ്​ കീപ്പർ ഡിക്​​വെല്ലയുടെ കൈയിൽ അവസാനിച്ചു. സാഹക്കും ജദേജക്കും പകരം സ്​ഥാനക്കയറ്റം കിട്ടിയെത്തിയ അശ്വിനും അധികം ആയുസ്സുണ്ടായില്ല. ഷനകയെ ആക്രമിച്ച അശ്വിന്​ പിഴച്ചു. കരുണരത്​നെയുടെ കൈയിൽ അശ്വിൻ ഒതുങ്ങി. മോശം പന്തുകൾ മാത്രം തിരഞ്ഞെടുത്ത്​ ആക്രമിച്ച പൂജാര 102 പന്തിൽ ഒമ്പത്​ ബൗണ്ടറികളുടെ അകമ്പടിയോടെയാണ്​ 47ൽ എത്തി നിൽക്കുന്നത്​. ശിഖർ ധവാൻ (എട്ട്​), ലോകേഷ്​ രാഹുൽ (പൂജ്യം), വിരാട്​ കോഹ്​ലി (പൂജ്യം) എന്നിവർ ആദ്യ ദിനം തന്നെ പുറത്തായിരുന്നു.