ബൊറിവാലിയുടെ മണ്ണിൽ കേരളത്തിനായി പന്തു തട്ടാൻ കക്കാട്ടിൽ നിന്നും പെൺപട

കാഞ്ഞങ്ങാട്​: മുംബൈയിലെ ബൊറിവാലിയിലെ മണ്ണിൽ കേരളത്തിനായി പന്തു തട്ടാൻ കക്കാട്ടി​​​െൻറ മണ്ണിൽ നിന്നും പെൺപട. ദേശീയ സീനിയർ സ്​കൂൾ ഫുട്​ബോൾ ചാമ്പ്യൻഷിപ്പിലാണ്​ കക്കാട്ട്​ ജി.എച്ച്​.എസ്​.എസി. ലെ മൂന്ന്​ പെൺകുട്ടികൾ കേരളത്തിനായി ബൂട്ടണിയുന്നത്​. പ്ലസ്​ടു കൊമേഴസ്​ വിദ്യാർഥിനികളായ എം. അഞ്​ജിത, എം. കൃഷ്​ണപ്രിയ, പി. അശ്വതി, എന്നിവരാണ്​ കേരളത്തിനായി ബൂട്ടണിയുന്നത്. 

ഇതേ സ്​കൂളിലെ കായിക അധ്യാപിക ടി. ആർ പ്രീതി മോളാണ്​ ഇവരുടെ പരിശീലകയും കേരളത്തി​​​െൻറ ടീം മാനേജരും. കേരള ടീമി​നായി മൂന്ന്​ താരങ്ങളേയും ഒരു മാനേജരേയും സമ്മാനിക്കാനായതി​​​െൻറ ആഹ്ലാദത്തിമിർപ്പിലാണ്​ കക്കാട്​ ഗ്രാമം. ഇതിന്​ മുമ്പും കക്കാട്ടു നിന്ന്​ സംസ്​ഥാന നാഷണൽ താരങ്ങളുണ്ടായിട്ടുണ്ട്​. കഴിഞ്ഞ വർഷം സംസ്​ഥാന അണ്ടർ 19 സ്​കൂൾ ഫുട്​ബോളിൽ ചാമ്പ്യൻമാരാണ്​ കക്കാട്ട്​ സ്​കൂൾ ടീം. ഇവർ മൂന്നു പേരും സംസ്​ഥാന റഫറി ടെസ്​റ്റ്​ പ്രാഥമിക റൗണ്ട്​ പാസായവരാണ്. അശ്വതിയും അഞ്​ജിതയും ഖേൽ ഇന്ത്യ, പൈക്ക, ഉൗർജ കപ്പ്​ അണ്ടർ 16  മത്സരങ്ങളിൽ കേരളത്തെ പ്രതിനിധാനം ചെയ്​തിട്ടുണ്ട്​. 

അഞ്​ജിത ​സൈക്കിൾ പോളോ കേരള ടീമിലും ഇടം നേടിയിരുന്നു. മുംബൈയിലെ ബൊറിവാലിയിൽ ബുധനാഴ്​ച്ചയാണ്​ മത്സരങ്ങൾക്ക് തുടക്കം കുറിക്കുന്നത്. ടീം മുഴുവൻ നല്ല ആത്​മവിശ്വാസത്തിലാണെന്നും ഇപ്രാവശ്യം ജേതാക്കളായി തന്നെ തിരിച്ച്​ വരുമെന്ന്​ കേരള ടീം മാനേജർ ടി.ആർ. പ്രീതി മോൾ  മാധ്യമത്തോട്​ പറഞ്ഞു. ടീം ജേതാക്കളാവുകയെന്നു തന്നെയാണ്​ പ്രഥമ ലക്ഷ്യമെന്നും ടീം അംഗങ്ങളും പ്രതികരിച്ചു. ബ്രസീലിയൻ വനിത ഫുട്​ബോൾ താരം മാർത്തയുടെ കടുത്ത ആരാധികമാരും കൂടിയാണ്​ ഇൗ മൂന്നു താരങ്ങളും. 

കകാട്ട്​ സകൂൾ ഗ്രൗണ്ടിലും തിരുവനന്തപുരത്തുമായിരുന്നു പരിശീലനമുണ്ടായിരുന്നത്​. എം. മണിയുടേയും നളിനിയുടേയും മകളാണ്​ അഞ്​ജിത. ദേവകി കൃഷ്​ണൻ ദമ്പതിമാരുടെ മകളാണ്​ കൃഷ്​ണപ്രിയ. രജനിയുടേയും രവീന്ദ്ര​േൻറയും മകളാണ്​ അശ്വതി. ടൂർണമ​​െൻറിൽ മികച്ച പ്രകടനം കാഴ്​ച്ച വെക്കാനും കിരീട നേട്ടവുമായി തിരിച്ച്​ വരാനും കേരളത്തിന്​ ഭാഗ്യം ലഭിക്കുമാറാക​െട്ട എന്ന പ്രാർഥനയിലാണ്​ കക്കാട്ട്​ ​ഗ്രാമം മുഴുവനും.