ഇരുട്ടിനെ ​'ബൗണ്ടറിയിലേക്ക്​' തുരത്തി മുനാസ്​​ ഇന്ത്യൻ ടീമിൽ

കാസർകോട്​: ഇരുട്ടിനെ ​'ബൗണ്ടറിയിലേക്ക്​' തുരത്തി മുനാസ്​​ ഇന്ത്യൻ ടീമിൽ. ശ്രീലങ്കന്‍ പര്യടനത്തിനുള്ള കാഴ്ച്ച പരിമിതരുടെ ഇന്ത്യന്‍ ക്രിക്കറ്റ് ടീമിലേക്കാണ്​​ ഉപ്പളയിലെ പൈവളികെ സ്വദേശി മുനാസ്​ തെരഞ്ഞെടുക്കപ്പെട്ടത്​. പകുതി കാഴ്​ച്ചയോട് കൂടിയാണ്​ പിറന്നു വീണ മുനാസ്​ ഇല്ലായ്​മകളോട്​ പൊരുതിയാണ്​ നേട്ടം കൈവരിച്ചത്​. കാഴ്​ച്ച കുറവായെങ്കിലും വെറുതെ ഇരിക്കാൻ മുനാസ്​ തയാറായില്ല, എല്ലാ ക്രിക്കറ്റ്​ ടൂർണമ​െൻറുകളും പോയി കാണും, കളിക്കളത്തിൽ കാലു കുത്തിയാൽ കാഴ്​ച്ചയില്ലെന്നുള്ള കാര്യം മുനാസ്​ മറക്കും, കാഴ്​ച്ചയല്ല, ആ സമയത്ത്​ മുനാസിന്​ ടീമാണ്​ വലുത്​. ടൂർണമ​െൻറുകളിൽ മികച്ച പ്രകടനം കാഴ്​ച്ച വെച്ചതോടെ കാഴ്​ച്ച കുറഞ്ഞിട്ടും പടവുകൾ ഒാരോന്നും മുനാസ്​ കുതിച്ചു കയറി. 

പ്രതിസന്ധികളെ മറി കടന്ന്​ ആദ്യം ജില്ല നായകനും അതിന്​ പിന്നാലെ കേരള ടീമി​​െൻറ ഉപനായക സ്​ഥാനവും തേടി വന്നു.ഇന്ത്യൻ ടീമിലെ എക മലയാളിയും കൂടിയാണ്​ മുനാസ്. അധികാരികൾക്ക്​ മുന്നിൽ പൈസ കൊടുത്തോ കോഴ നൽകിയോ ആയിരുന്നില്ല സ്​ഥാനങ്ങൾ നേടിയെടുത്തത്​. നേരെ മറിച്ച്​ കളിക്കളത്തിൽ നടന്ന പോരാട്ടങ്ങളിലൂടെയാണ്​ നേട്ടങ്ങൾ മുഴുവനും. കോഴിക്കോട് ഫറൂഖ് കോളജിലെ ബി.എ സോഷ്യോളജി അവസാന വര്‍ഷ വിദ്യാര്‍ഥിയാണ്. നിലവിലെ ഇന്ത്യൻ ടീമിലെ മികച്ച ഒാൾ റൗണ്ടർ കൂടിയാണ് മുനാസ്. ഇന്ത്യൻ ടീമി​​െൻറ ഫാസ്​റ്റ്​ ബൗളറും ഒാപ്പണിങ്​ റൈറ്റ്​ ഹാൻഡ്​ ബാറ്റ്​സ്​മാനുമാണ്​ മുനാസ്. ഒന്നു മുതൽ ഏഴാം ക്ലാസ്​ വരെ വിദ്യാനഗറിലെ ബ്ലൈൻഡ്​ സ്​കൂളിലായിരുന്നു മുനാസ്​ പഠിച്ചത്​. 

എട്ട്​ മുതൽ പ്ലസ്​ടു വരെ കോഴിക്കോട്​ കൊളത്തറ ബ്ലൈൻഡ്​ സ്​കൂളിലുമായിരുന്നു പഠനം. കാസർകോട്​ സ്​ഥിതി ചെയ്യുന്ന അന്ധൻമാരുടെ ക്രിക്കറ്റ്​ കൂട്ടായ്​മയായ നോർത്ത്​ മലബാർ ക്രിക്കറ്റ്​ അസോസിയേഷൻ ഫോർ സൈറ്റ്​ ലെസ്സ് എന്ന സംഘടനയിലെ പ്രവർത്തകരാണ് മുനാസി​​െൻറ വളർച്ചക്ക്​ പിന്നിൽ. അന്താരാഷ്​ട്ര ക്രിക്കറ്റ്​ ടൂർണമ​െൻറുകൾ കാണുകയും താരങ്ങളുടെ ബാറ്റിങ്​ ബൗളിങ്​ ശൈലി മണിക്കൂറുകളോളം പരിശീലനം ചെയ്യുന്ന സ്വഭാവക്കാരനും കൂടിയാണിയാൾ. നാട്ടിലെത്തിയാൽ അന്താരാഷ്​ട്ര ടൂർണമ​െൻറുകളുടെ അതേ പ്രാധാന്യം തന്നെ ഡിവിഷൻ ടൂർണമ​െൻറുകൾക്കും നൽകുകയും പ​െങ്കടുക്കുകയും ചെയ്യും. കാഴ്ച്ച പരിമിതർക്കായി ജില്ലയിൽ നല്ലൊരു ഗ്രൗണ്ടു പോലുമില്ല. താളിപ്പടുപ്പിലേയും വിദ്യാനഗറിലെയും സ്​റ്റേഡിയത്തിൽ വെച്ചാണ്​ പരിശീലിക്കാറുള്ളത്​. ജില്ലയിലെ കാഴ്ച്ച പരിമിതരുടെ ടീമായ റെയിൻബോ സ്​റ്റാറിന്​ വേണ്ടി ഒരുപാട്​ ടൂർണമ​െൻറുകളിൽ കിരീടമുയർത്തിയിട്ടുണ്ട്​. ​

മുനാസിന്​ പുറമേ സഹോദരങ്ങളായ സക്കീനക്കും ഖലീലിനും കാഴ്​ച്ച തീരെയില്ല. പൈവളികയിലെ മുഹമ്മദി​​െൻറയും ഫാത്തിമയുടേയും മകനാണ്​ മുനാസ്​. കരീം, മിസരിയ എന്നിവർ മറ്റു സഹോദരങ്ങളാണ്​. ജൂലൈ 14 മുതല്‍ 25 വരെ കൊളംബോ ബര്‍ഹര്‍ റിക്രിയേഷന്‍ ക്ലബ് ഗ്രൗണ്ടിലും എയര്‍ ഫോഴ്‌സ് ക്രിക്കറ്റ് ഗ്രൗണ്ടിലുമാണ് മത്സരങ്ങള്‍. പര്യടനത്തി​​െൻറ ഭാഗമായി മൂന്ന് ഏകദിന മത്സരങ്ങളും അഞ്ചു ടി20 മത്സരങ്ങളും ഇന്ത്യ കളിക്കും. ​എല്ലാ പ്രയാസങ്ങളെയും തരണം ചെയ്​ത്​ കീരീടം നേടുമെന്ന്​ തന്നെയാണ്​ പൈവളികയിലെ നാട്ടുകാരുടേയും മുനാസി​​​െൻറയും പ്രതീക്ഷ.