ഒരു ചിത്രകാര​െൻറ ഭാവന​ യാഥാർഥ്യമായപ്പോൾ

ധാക്ക: ഒരു ചിത്രകാര​​െൻറ ഭാവന എത്ര വർഷം മു​േമ്പ പറക്കും​? ബംഗ്ലാദേശി ചിത്രകാരൻ സുഹാസ്​ ​നഹിയാനോടാണ്​ ചോദ്യ മെങ്കിൽ ആറുവർഷം മു​േമ്പ എന്നാവും ഉത്തരം. ആർക്കിടെക്​ടും ചിത്രകാരനുമായി ജോലിചെയ്യുന്ന സുഹാസ്​ 2013ൽ വരച്ച ഒരു പ െയിൻറിങ്​ 2019 മാർച്ച്​ 18ന്​ അതേപോലെ യാഥാർഥ്യമായതി​​െൻറ അതിശയത്തിലാണ്​ ഫുട്​ബാൾ ലോകം.

ബാഴ്​സലോണയുടെ സൂപ്പർ താരം ലയണൽ മെസ്സി പച്ചയും വെള്ളയും നിറത്തിലെ ജഴ്​സിയണിഞ്ഞ കളിക്കാരെ ഡ്രിബ്​ൾ ചെയ്​ത്​ ഒാടുന്നതായിരുന്നു പെയിൻറിങ്​. ഇതേ ചിത്രം വാർത്ത ഏജൻസികൾ കഴിഞ്ഞ ദിവസം മൈതാനത്തുനിന്ന്​ ഒപ്പിയെടുത്തു.

ബാഴ്​സലോണ-റയൽ ബെറ്റിസ്​ മത്സരത്തിൽ നാല്​ എതിർതാരങ്ങളെ വകഞ്ഞുമാറ്റി കുതിക്കുന്ന മെസ്സിയുടെ ചിത്രം. ചിത്രവും പെയിൻറിങ്ങും ഒന്നിച്ച്​ ട്വീറ്റ്​ ചെയ്​ത നഹിയാൻ തന്നെയാണ്​ ഇക്കാര്യം ലോകത്തോട്​ പറഞ്ഞത്​. ദിവസങ്ങൾക്കുള്ളിൽ ഇത്​ ഹിറ്റുമായി.