കോപ അമേരിക്ക: അർജൻറീന മൂന്നാമത്​; മെസിക്ക്​ ചുവപ്പ്​ കാർഡ്​

സാവോ പോളോ: കോപ അമേരിക്ക ടൂർണമ​െൻറിൻെറ ലൂസേഴ്​സ്​ ഫൈനലിൽ ചിലിയെ തകർത്ത്​ അർജൻറീന മൂന്നാമത്​. ഒന്നിനെതിരെ രണ്ട്​ ഗോളുകൾക്കായിരുന്നു അർജൻറീനയുടെ വിജയം. അഗ്യുറോ(12), ഡിബാല(22) എന്നിവർ അർജൻറീനക്കായി ഗോളുകൾ തേടി. പെനാൽറ്റ ിയിലൂടെ 59ാം മിനുട്ടിൽ അർതുറോ വിദാലാണ്​ ഗോൾ നേടിയത്​.

37ാം മിനുട്ടിൽ ചിലി താരം ഗാരി മെഡലുമായി പ്രശ്​നമുണ്ടാക്കിയതിന്​ സൂപ്പർ താരം ലയണൽ മെസിക്ക്​ ചുവപ്പ്​ കാർഡ്​ ലഭിച്ചു. ഗാരി മെഡലിനും ചുവപ്പ്​ കാർഡ്​ കിട്ടി. ഇതോടെ 10 പേരുമായാണ്​ ഇരു ടീമുകളും കളിച്ചത്​. അഗ്യുറോയുടെ ഗോളിന്​ വഴിയൊരിക്കിയതിന്​ ശേഷമായിരുന്നു ചുവപ്പ്​ കാർഡ്​ കണ്ട്​ മെസി പുറത്ത്​ പോയത്​.

തുടക്കം മുതൽ ആക്രമിച്ച കളിച്ച അർജൻറീന അർഹിച്ച ജയമാണ്​ സ്വന്തമാക്കിയത്​. ഞായറാഴ്​ച നടക്കുന്ന കോപ അമേരിക്ക ഫൈനലിൽ ബ്രസീൽ പെറുവിനെ നേരിടും.