മെസ്സിക്ക് ഇരട്ട ഫ്രീകിക്ക് ഗോൾ; ലാ ലിഗയിൽ ബാഴ്സക്ക് മുന്നേറ്റം
text_fieldsബാഴ്സലോണ: ഗോൾപോസ്റ്റിന് രണ്ടു മൂലയിൽനിന്നും ലയണൽ മെസ്സി ഇടങ്കാലുകൊണ്ട് പറത്തിവിട്ട രണ്ടു മാരിവ ില്ലുകളിൽ ആരാധകലോകത്തിെൻറ കണ്ണുതള്ളി. ഫ്രീകിക്ക് ഗോളുകൾക്ക് ഇത്രയേറെ ചന്തം സമ്മാനിച്ച സൂപ്പർതാരത്തി െൻറ മാന്ത്രികടച്ചിൽ ബാഴ്സലോണക്ക് ലാ ലിഗയിൽ ലീഡുറപ്പിച്ച ജയം.
എസ്പാന്യോളിനെ എവേമാച്ചിൽ 4-0ത്തിന് ബാഴ്സലോണ ജയിച്ചേപ്പാഴാണ് രണ്ടു മഴവിൽഗോളുമായി മെസ്സി നിറഞ്ഞത്. കളിയുടെ 17ാം മിനിറ്റിൽ 30 വാര അകലെനിന്ന് ലഭിച്ച ഫ്രീകിക്കിനെയാണ് മെസ്സി ആദ്യം വലയിലെത്തിച്ചത്. കോട്ടകെട്ടിയ എതിർ പ്രതിരോധത്തെയും ഗോളി ഡീഗോ ലോപസിനെയും കാഴ്ചക്കാരാക്കി പന്ത് വളഞ്ഞുപുളഞ്ഞ് വലയുടെ മൂലയിൽ പതിച്ചു. ആദ്യ പകുതി പിരിയുംമുേമ്പ ഒസ്മാനെ ഡെംബലെയും (26) ലൂയി സുവാരസും (45) ബാഴ്സക്ക് ലീഡ് നൽകി.
രണ്ടാം പകുതിയിലെ 65ാം മിനിറ്റിലാണ് മെസ്സി വീണ്ടും വിസ്മയിപ്പിച്ചത്. ഇക്കുറി, ബോക്സിന് വലതുമൂലയിൽ നിന്നായിരുന്നു ഷോട്ട്്. ഒന്നാം ഗോളിെൻറ റീേപ്ല ആയി മാറിയ ഷോട്ട് വീണ്ടും വലയിലേക്ക്്. ബാഴ്സ ജയം തുടർന്നപ്പോൾ രണ്ടാം സ്ഥാനത്തുള്ള സെവിയ്യ രണ്ടു സമനിലയിൽ തളർന്നു. 15 കളിയിൽ 31 പോയൻറുമായാണ് ബാഴ്സ ഒന്നാമതായത്. വലൻസിയയോട് 1-1ന് കീഴടങ്ങിയ സെവിയ്യ (28) രണ്ടാം സ്ഥാനത്ത് തുടരുന്നു. അലാവസിനെ വീഴ്ത്തിയ അത്ലറ്റികോ മഡ്രിഡും (3-0) 28 പോയൻറുമായി ഒപ്പമുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.