പോൾ നീരാളിക്ക് പിൻഗാമി; റഷ്യയിൽ വിജയിയെ ഈ പൂച്ച പ്രവചിക്കും

സ​​​െൻറ്​ പീറ്റേഴ്​സ്​ബർഗ്​: ഒാരോ ലോകകപ്പ്​ കാലത്തും​ ഉയർന്ന്​ വരുന്ന കൗതുകവർത്തമാനമാണ്​ മത്സരഫലം പ്രവചക്കുന്ന ജീവികൾ.  2010 ലോകകപ്പിൽ പോൾ നീരാളി തുടങ്ങിവെച്ച പതിവ്​ പിന്തുടരാൻ ഇക്കുറി നിയോഗിക്കപ്പെട്ടത്​ ഒരു പൂച്ചയാണ്​. സ​​​െൻറ്​ പീറ്റേഴ്സ് ബര്‍ഗിലെ ഹെര്‍മിറ്റേജ് മ്യൂസിയത്തിലെ  ‘അഷില്ലസ്’ എന്ന് വിളിക്കുന്ന ബധിരനായ പൂച്ചയാണ് ഇക്കുറി ലോകത്തി​​​െൻറ ശ്രദ്ധയാകർഷിക്കുന്നത്​. കഴിഞ്ഞവര്‍ഷം റഷ്യയില്‍ നടന്ന കോൺഫെഡറേഷന്‍സ് കപ്പ് വിജയികളെ കൃത്യമായി പ്രവചിച്ച്​ അഷില്ലസ് നേരത്തേതന്നെ താരമായതാണ്​.

ഇത്തവണ ഓരോ ലോകകപ്പ്​ മത്സരങ്ങള്‍ക്കുമുമ്പും പൂച്ച പ്രവചനം നടത്തും. മത്സരത്തിൽ ഏറ്റുമുട്ടുന്ന രാജ്യങ്ങളുടെ പതാക ഉറപ്പിച്ച രണ്ട് പാത്രങ്ങളില്‍ ഒരേ അളവിലുള്ള ഭക്ഷണം വെക്കും. ഏതു രാജ്യത്തി​​​​െൻറ പതാകയുള്ള പാത്രത്തില്‍നിന്നാണോ പൂച്ച ഭക്ഷണം കഴിക്കുന്നത് അവരായിരിക്കും അന്നത്തെ വിജയികൾ. ലോകകപ്പ്​ മത്സരക്രമങ്ങൾ, ടീമുകൾ എന്നിവയെക്കുറിച്ച്​ പഠിക്കുന്ന തിരക്കിലാണ് അഷില്ലസ് എന്ന്​ പരിശീലകര്‍ പറഞ്ഞു. ലോകകപ്പ് അടുത്തതോടെ മാര്‍ജാരനെ കാണാനുള്ള തിരക്കും വര്‍ധിച്ചിട്ടുണ്ട്.

ജർമനിയിലെ സീലൈഫ്​ അക്വേറിയത്തിലെ നീരാളിയായിരുന്ന പോളി​​​​െൻറ14 ലോകകപ്പ് മത്സരപ്രവചനങ്ങളിൽ തെറ്റിപ്പോയത് വെറും രണ്ടെണ്ണം മാത്രമാണ്. സ്​പെയിനി​​​​െൻറ കിരീടവിജയം ഉൾപ്പെടെ കൃത്യമായി പ്രവചിച്ച പോൾ അക്കൊല്ലം ഒക്ടോബർ 26ന്​ മരിച്ചു. ശേഷം ആന, ആട്​, പന്നി തുടങ്ങി നിരവധി ജീവികൾ പ്രവചനങ്ങളുമായി കളംനിറ​െഞ്ഞങ്കിലും പോളി​​​​െൻറ അത്ര കൃത്യത പുലർത്താൻ ആർക്കും സാധിച്ചിരുന്നില്ല. ഇത്​ ആഷില്ലസിന്​ മാറ്റി കുറിക്കാനാകുമോ എന്ന്​ കാണാം.