റൂണിയുടെ എവർട്ടണിനെ മാഞ്ചസ്​റ്റർ യുനൈറ്റഡ് തകർത്തു (4-0)

ലണ്ടൻ: ഒരു പതിറ്റാണ്ടുകാലം ഒാൾഡ്​ ട്രാഫോഡിൽ പന്തുതട്ടിയ വെയ്​ൻ റൂണി കൂടുമാറി സ്വന്തം തട്ടകത്തിലേക്ക്​ തിരിച്ചെത്തിയപ്പോൾ, ഏറ്റുവാങ്ങേണ്ടി വന്നത്​ വമ്പൻ തോൽവി. റൂണിയുടെ എവർട്ടണിനെ 4-0ത്തിന്​ തോൽപിച്ചാണ്​ മാഞ്ചസ്​റ്റർ യുനൈറ്റഡ്​ കരുത്തു​കാട്ടിയത്​. അ​േൻറാണിയോ വലൻസിയ (4), ഹെൻട്രിക്​ മിഖത്രിയാൻ (83), റെ​ാമേലു ലുക്കാക്കു( 89), ആൻറണി മാർഷ്യൽ (92) എന്നിവരാണ്​ യുനൈറ്റഡിനായി ഗോൾ നേടിയത്​. ജയത്തോടെ 13 പോയൻറുമായി മാഞ്ചസ്​റ്റർ യുനൈറ്റഡ്​ ഒന്നാമതെത്തി.

ആരാധകർ കാത്തിരുന്ന ചെൽസി-ആഴ്​സനൽ പോരാട്ടത്തിന്​ ഗോൾരഹിത സമനിലയിൽ പര്യവസാനം. കളി സമനിലയിൽ അവസാനിച്ചതോടെ 10 പോയൻറുമായി ​െചൽസി മൂന്നാം സ്​ഥാനത്തും ഏഴു പോയൻറുമായി ആഴ്​സനൽ 12ാം സ്​ഥാനത്തുമാണ്​. 87ാം മിനിറ്റിൽ ചെൽസിയുടെ ബ്രസീൽ താരം ഡേവിഡ്​ ലൂയിസിന്​ ചുവപ്പുകാർഡ്​ കണ്ട്​ പുറത്തുപോവേണ്ടി വന്നത്​ ചാമ്പ്യന്മാർക്ക്​ തിരിച്ചടിയായി. പത്തുപേരായി ചുരുങ്ങിയ എതിരാളികൾക്കെതിരെയും ഗണ്ണേഴ്​സിന്​ വലകുലുക്കാനായില്ല.