സോൾഷെയർ, മാഞ്ചസ്​റ്റർ യുണൈറ്റഡി​െൻറ പുതിയ പരിശീലകൻ

ലണ്ടൻ: ഹൊസെ മൗറീഞ്ഞോയുടെ പകരക്കാരനെ കണ്ടെത്തി മാഞ്ചസ്​റ്റർ യുണൈറ്റ്​. മുൻ യുണൈറ്റഡ്​ താരമായിരുന്ന ഒലെ സോ ൾഷെയറിനെയായാണ്​ മാഞ്ചസ്​റ്റർ യുണൈറ്റഡ്​ പുതുതായി നിയമിച്ചിരിക്കുന്നത്​. ഇൗ സീസൺ കഴിയും വരെയാണ്​ സോൾഷെയർ പരിശീലക സ്ഥാനത്ത്​ തുടരുക.

കാർഡിഫ്​ സിറ്റിക്കെതിരെ നടക്കുന്ന മൽസരത്തിലൂടെയാകും സോൾഷെയർ യുണൈറ്റഡിൽ അരങ്ങേറ്റം കുറിക്കുക. 1996 മുതൽ 2007 വരെ മാഞ്ചസ്​റ്ററിനായി സോൾഷെയർ ബൂട്ട്​കെട്ടിയിട്ടുണ്ട്​. 366 മൽസരങ്ങളിൽ നിന്ന്​ 126 ഗോളുകളും അദ്ദേഹം നേടിയിട്ടുണ്ട്​.

മൗറീഞ്ഞോയെ മാറ്റിയെങ്കിലും അദ്ദേഹത്തിനൊപ്പം പരിശീലക സംഘത്തിലുണ്ടായിരുന്ന മൈക്കിൾകാരിക്കും മക്​ കെന്നയും മാഞ്ചസ്​റ്ററിൽ തുടരും.