യു​നൈ​റ്റ​ഡ്​-​ സി​റ്റി മ​ത്സ​രം ഗോ​ൾ ര​ഹി​ത സ​മ​നി​ല​യി​ൽ; ഫെ​ല്ലി​നി​ക്ക്​ ചു​വ​പ്പു​കാ​ർ​ഡ്​

ല​ണ്ട​ൻ: ആ​രാ​ധ​ക​ർ കാ​ത്തി​രു​ന്ന മാ​ഞ്ച​സ്​​റ്റ​റി​ലെ വ​മ്പ​ന്മാ​രു​ടെ പോ​രി​ന്​ ഗോ​ൾ​ര​ഹി​ത സ​മ​നി​ല​യോ​ടെ സ​മാ​പ​നം. സി​റ്റി​യു​ടെ ഇ​ത്തി​ഹാ​ദ്​ സ്​​റ്റേ​ഡി​യ​ത്തി​ൽ ന​ട​ന്ന മ​ത്സ​ര​ത്തി​ൽ ഒ​രു ഗോ​ൾ പോ​ലും അ​ടി​പ്പി​ക്കാ​തെ എ​തി​ർ​നി​ര​യെ പൂ​ട്ടി മാ​ഞ്ച​സ്​​റ്റ​ർ യു​നൈ​റ്റ​ഡ്​ നേ​ടി​യ​ത്​​ വി​ജ​യ​ത്തോ​ളം പോ​ന്ന സ​മ​നി​ല​യാ​ണ്. അ​വ​സാ​ന​ത്തി​ൽ റെ​ഡ്​​കാ​ർ​ഡ്​ ക​ണ്ട്​ മ​ധ്യ​നി​ര​താ​രം ഫെ​ല്ലി​നി പു​റ​ത്തു​പോ​വേ​ണ്ടി​വ​ന്നി​ട്ടും സി​റ്റി​ക്ക്​ എ​തി​ർ വ​ല കു​ലു​ക്കാ​നാ​യി​ല്ല. ഇൗ ​മ​ത്സ​ര​വും തോ​ൽ​ക്കാ​തി​രു​ന്ന​തോ​ടെ 24 ക​ളി​ക​ളി​ൽ മാ​ഞ്ച​സ്​​റ്റ​ർ യു​നൈ​റ്റ​ഡ്​ അ​പ​രാ​ജി​ത കു​തി​പ്പു തു​ട​രു​ക​യാ​ണ്. അ​തേ​സ​മ​യം, അ​വ​സാ​ന അ​ഞ്ചു ക​ളി​ക​ളി​ൽ സി​റ്റി​ക്ക്​ ര​ണ്ടു ജ​യ​വും ര​ണ്ട്​ സ​മ​നി​ല​യും ഒ​രു തോ​ൽ​വി​യു​മാ​ണ്.

നാ​ലാം സ്​​ഥാ​ന​ത്തു​ള്ള മാ​ഞ്ച​സ്​​റ്റ​ർ സി​റ്റി​ക്കും അ​ഞ്ചാം സ്​​ഥാ​ന​ത്തു​ള്ള മാ​ഞ്ച​സ്​​റ്റ​ർ യു​നൈ​റ്റ​ഡി​നും ചാ​മ്പ്യ​ൻ​സ്​ ലീ​ഗ്​ യോ​ഗ്യ​ത​ക്കു​ള്ള പോ​രാ​ട്ട​മാ​യി​രു​ന്നു ഇൗ ​ഡ​ർ​ബി. ഹോം ​ഗ്രൗ​ണ്ടി​െൻറ ആ​നു​കൂ​ല്യ​ത്തി​ൽ ക​ള​ത്തി​ൽ നി​റ​ഞ്ഞു ക​ളി​ച്ച​ത്​ സി​റ്റി ത​ന്നെ​യാ​യി​രു​ന്നു. എന്നാൽ ഗോ​ളു​റ​ച്ച പ​ല അ​വ​സ​ര​ങ്ങ​ളും ത​ട്ടി​മാ​റ്റി യു​നൈ​റ്റ​ഡി​െൻറ ര​ക്ഷ​ക​നാ​യ​ത്​ ഗോ​ളി ഡേ​വി​ഡ്​ ഡി ​ഗെ​യാ​യി​രു​ന്നു. ക​ളി​തു​ട​ങ്ങി ഏ​റെ​യാ​വു​ന്ന​തി​നു​മു​മ്പ്​ ത​ന്നെ ഡി​ബ്രൂ​യി​ൻ ന​ൽ​കി​യ ക്രോ​സ്​ അ​ഗ്യൂ​റോ ക​ള​ഞ്ഞു കു​ളി​ച്ച​പ്പോ​േ​ഴ സി​റ്റി​യു​ടെ നി​ർ​ഭാ​ഗ്യം മ​ണ​ത്തി​രു​ന്നു. ഇ​രു പ​കു​തി​യി​ലു​മാ​യി അ​ഗ്യൂ​റോ​യും സം​ഘ​വും നി​ര​വ​ധി അ​വ​സ​ര​ങ്ങ​ൾ പാ​ഴാ​ക്കി.  84ാം മി​നി​റ്റി​ൽ അ​ഗ്യൂ​റോ​െ​യ ത​ല​കൊ​ണ്ടി​ടി​ച്ച​തി​ന്​ മ​റോ​ൺ ഫെ​ല്ലി​നി​ക്ക്​ ചു​വ​പ്പു​കാ​ർ​ഡ്​ ലഭിച്ചെങ്കിലും ഇൗ അവസരവും സിറ്റിക്ക്​ മുതലാക്കാനായില്ല.​