തുടർച്ചയായ 14 ജയം; മാഞ്ചസ്​റ്റർ സിറ്റിക്ക്​ റെക്കോഡ്​

ലണ്ടൻ: പ്രീമിയർ ലീഗിൽ ഒരു സീസണിൽ തുടർച്ചയായ 14 ജയങ്ങളെന്ന അപൂർവ റെക്കോഡ്​ പെപ്​ ഗാർഡിയോളയും സംഘവും സ്വന്തമാക്കുമോയെന്നായിരുന്നു മാഞ്ചസ്​റ്ററിലെ നാട്ടങ്കത്തിന്​ മുമ്പ്​ ഫുട്​ബാൾ ലോകത്തി​​െൻറ ആകാംക്ഷ. റെക്കോഡി​​െൻറ പടിവാതിൽക്കലിൽ സിറ്റിയെ യുനൈറ്റഡ്​ തടയുമെന്നായിരുന്നു പ്രവചനങ്ങൾ. എന്നാൽ, ആധികാരികമായി ജയിച്ച സിറ്റി റെക്കോഡും സ്വന്തംപേരിലാക്കി. ഡേവിഡ്​ സിൽവയുടെയും നികോളസ്​ ഒാട്ടമെൻഡിയുടെയും ഗോളുകളിൽ ഒന്നിനെതിരെ രണ്ടു ഗോളുകൾക്കായിരുന്നു ജയം. ഇതോടെ ചെൽസിയുടെ പേരിലെ തുടർജയമെന്ന റെക്കോഡ്​ (13) ഗാർഡിയോളയുടെ സംഘം സ്വന്തമാക്കി. 2002ൽ ആഴ്​സനലും ഇൗ നേട്ടം കൈവരിച്ചിരുന്നെങ്കിലും അത്​ രണ്ടു സീസണുകളിലായിരുന്നു. 

ഒാൾഡ്​ ട്രഫോഡിൽ പന്തടക്കത്തിലും ഷോട്ടുകളിലും പാസിലും സിറ്റി ബഹുദൂരം മുന്നിലായിരുന്നു. 65 ശതമാനം പന്ത്​ കൈവശം ​െവച്ചപ്പോൾ, യുനൈറ്റഡിന്​ പന്തുതൊടാനായത്​ 35 ശതമാനം മാത്രം. ഷോട്ടുകളിൽ സിറ്റി 14ഉം യുനൈറ്റഡ്​ എട്ടും. 502 പാസുകൾ സിറ്റി പൂർത്തിയാക്കിയപ്പോൾ യുനൈറ്റഡി​​െൻറ കൃത്യപാസുകൾ​ 225 മാത്രം​. ഒാൾഡ്​ ട്രഫോഡിലായിരുന്നു സിറ്റിയുടെ ഇൗ ആധിപത്യമെന്നത്​ ജയത്തി​​െൻറ മാറ്റുകൂട്ടുന്നു. പോൾ പോഗ്​ബ സസ്​പെൻഷനിലായത്​ യുനൈറ്റഡി​​െൻറ മധ്യനിര നീക്കങ്ങളെ സാരമായി ബാധിച്ചത്​ മത്സരത്തിലുടനീളം കാണാമായിരുന്നു. 16 മത്സരങ്ങളിൽ ഇതോടെ സിറ്റിക്ക്​ 46 പോയൻറായി. രണ്ടാമതുള്ള യുനൈറ്റഡിനേക്കാൾ 11 പോയൻറ്​ ലീഡ്​. അദ്​​ഭുതങ്ങളൊന്നും സംഭവി​ച്ചില്ലെങ്കിൽ ഇത്തവണ പ്രീമിയർ ലീഗ്​ കിരീടം ഇത്തിഹാദ്​ സ്​റ്റേഡിയത്തിലെത്തുമെന്നുറപ്പ്​.