ലിവർപൂളിനെ അഞ്ചുഗോളിന്​ മാഞ്ചസ്​റ്റർ സിറ്റി മുക്കി

ലണ്ടൻ: സാദിയോ മാനെ ചുവപ്പുകണ്ട്​ പുറത്തായതോടെ 10 പേരായി ചുരുങ്ങിയ ലിവർപൂളിനെ എതിരില്ലാത്ത അഞ്ചുഗോളിന്​ മുക്കി മാഞ്ചസ്​റ്റർ സിറ്റി പ്രിമിയർ ലീഗ്​ പോയൻറ്​ പട്ടികയിൽ വീണ്ടും തല​പ്പത്തേക്ക്​. 24ാം മിനിറ്റിൽ അർജൻറീന താരം സെർജിയോ അഗ്യൂറോയിലൂടെ ആദ്യ ഗോൾ വീണ കളിയിൽ ഗബ്രിയേൽ ജീസസ്​, ലിറോയ്​ സാനെ എന്നിവരുടെ ഇരട്ടഗോളുകളാണ്​ സിറ്റിക്ക്​ വമ്പൻ ജയമൊരുക്കിയത്​.

തുടക്കത്തിലേ ഗോൾ വഴങ്ങിയെങ്കിലും നന്നായി പൊരുതിയ ലിവർപൂളിനുമേൽ ഇടിത്തീയായാണ്​ സാദിയോ മാനെയുടെ ചുവപ്പുകാർഡ്​ എത്തിയത്​. സിറ്റി ഗോൾകീപ്പർ എഡേഴ്​സണെ വീഴ്​ത്തിയതിനായിരുന്നു മാനെക്ക്​ ലഭിച്ച ശിക്ഷ. സ്​ട്രക്​ചറിൽ പുറത്തെത്തിച്ച എഡേഴ്​സൺ ആശുപത്രിയിലായെങ്കിലും തുരുതുരെ സ്​കോർ ചെയ്​താണ്​ സിറ്റി പകരം വീട്ടിയത്​. കളിയുടെ ഇരുപകുതികളിലായാണ്​ ഗബ്രിയേൽ ജീസസ്​ സ്​കോർ ​ചെയ്​തതെങ്കിൽ 77ാം മിനിറ്റിലും ഇഞ്ചുറി സമയത്തുമായിരുന്നു സാനെയുടെ എണ്ണം പറഞ്ഞ ഗോളുകൾ. ആദ്യ രണ്ടുഗോളുകളിലേക്കും വഴിതുറന്ന കെവിൻ ഡി ബ്രുയി​​െൻറ പ്രകടനവും സിറ്റി​യുടെ വിജയത്തെ തുണച്ചു. നാലുകളികളിൽ മൂന്നു ജയവും ഒരു സമനിലയുമായി സിറ്റിക്ക്​ 10 പോയൻറാണുള്ളത്​. ആദ്യ പരാജയമേറ്റുവാങ്ങിയ ലിവർപൂളിന്​ അത്രയും കളികളിൽ ഏഴു പോയൻറുണ്ട്​.