Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_rightലുക്കാക്കുവിന്...

ലുക്കാക്കുവിന് ഇരട്ടഗോൾ; പനാമയെ തകർത്ത് ബെൽജിയം

text_fields
bookmark_border
ലുക്കാക്കുവിന് ഇരട്ടഗോൾ; പനാമയെ തകർത്ത് ബെൽജിയം
cancel

സോചി: ത്രികോണം വരച്ചപോലെ മുൻനിരയിലെ മൂന്ന്​ പടക്കുതിരകൾ. ഗോൾപോസ്​റ്റിനു കീഴെ ആറടി ആറിഞ്ചുകാരനായ വലിയ മനുഷ്യൻ തിബോ കർടുവ. പിന്നെ പ്രതിരോധമെന്നത്​ ബെൽജിയത്തിനൊരു വഴിപാടുമാത്രമാണെന്ന്​ കോച്ച്​ റോബർട്​ മാർടിനസ്​ ചി​ന്തിച്ചതിൽ തെറ്റില്ല. മൂന്നുപേരെ മാത്രം പ്രതിരോധത്തിൽ നിയോഗിച്ച്​ 3-4-2-1 ശൈലിയിൽ പാനമയെ നേരിട്ട ബെൽജിയത്തിന്​ കിരീട ഫേവറിറ്റുകൾക്കൊത്ത തകർപ്പൻ ജയം. ലോകകപ്പിലെ അരങ്ങേറ്റ മത്സരത്തിനിറങ്ങിയ പാനമയുടെ വലയിൽ കളിയുടെ രണ്ടാം പകുതിയിൽ മൂന്ന്​ എണ്ണംപറഞ്ഞ ഗോളുകൾ അടിച്ചുകയറ്റിയാണ്​ ബെൽജിയം ഗ്രൂപ്​ ‘ജി’യിൽ ജയത്തോടെ തുടക്കം കുറിച്ചത്​.

ഗോൾരഹിതമായി പിരിഞ്ഞ ഒന്നാം പകുതിക്ക്​ ശേഷമായിരുന്നു മൂന്ന്​ ഗോളി​​​െൻറയും പിറവി. 47ാം മിനിറ്റിൽ മനോഹരമായ ​േവാളി​യിലൂടെ പാനമ വലകുലുക്കി ഡ്രീസ്​ മെർട​ൻ​സ​്​ വേട്ടക്ക്​ തുടക്കമിട്ടു. മറ്റൊരു അവകാശിയുമില്ലാത്ത ഇമ്പമാർന്ന ഷോട്ട്​ വലക്കണ്ണി കുലുക്കിയപ്പോൾ സോചിയിലെ ഫിഷ്​റ്റ്​ ഒളിമ്പിക്​സ്​ സ്​റ്റേഡിയം നിറച്ച ചെമ്പട ഇരമ്പി.ശേഷമായിരുന്നു ലുകാക്കു ഷോ. എഡൻ ഹസഡും കെവിൻ ​ഡിബ്രുയിനും മധ്യനിരയിൽനിന്നു സൃഷ്​ടിക്കുന്ന ക്രിയേറ്റിവ്​ ഫുട്​ബാളിനൊപ്പം മാഞ്ചസ്​റ്റർ യുനൈറ്റഡി​​​െൻറ ഗോളടിയന്ത്രം കുതിച്ചുപാഞ്ഞു. 69ാം മിനിറ്റിൽ ഡിബ്രുയിൽ നൽകിയ ക്രോസിന്​ തലവെച്ച്​ ആദ്യ ഗോൾ. 75ാം മിനിറ്റിൽ ഹസാഡി​​​െൻറ ക്രോസ്​ സ്​പ്രിൻറ്​ റണ്ണപ്പിലൂടെ ​വലയിലെത്തിച്ച്​ രണ്ടാം ഗോളും. 

അതേസമയം, ലോകകപ്പിലെ അരങ്ങേറ്റക്കാരുടെ സഭാകമ്പമൊന്നുമില്ലാതെ പോരാടിയ പാനമയും ആരാധകരുടെ കൈയടി നേടി.ആദ്യ പകുതിയിൽ കേളികേട്ട ബെൽജിയം ആ​ക്രമണത്തെ പിടിച്ചുകെട്ടാനും ഉജ്ജല പ്രത്യാക്രമണത്തിലൂടെ ഡെഡ്രിക്​ ബൊയാട്​, യാൻ വെർടൻഗൻ പ്രതിരോധത്തെ വിറപ്പിക്കാനും അവർക്കായി. ആജാനുബഹുവായ ക്യാപ്​റ്റൻ റോമൻ ടോറസായിരുന്നു പാനമയുടെ പ്രതിരോധമതിൽ. അനിബാൽ ഗോഡോയ്​, ജോസ്​ ലൂയിസ്​ റോഡ്രിഗസ്​, ബ്ലാസ്​ പെരസ്​ എന്നിവർ ശ്രദ്ധേയ മുന്നേറ്റം നടത്തി. 

രണ്ടാം പകുതിയുടെ തുടക്കം. ബെൽജിയംപോലും പ്രതീക്ഷിക്കാത്ത മുഹൂർത്തത്തിലായിരുന്നു ഗോളി​​​െൻറ പിറവി. ഡി ബ്രുയി​​​െൻറ ത്രോവിനു പിന്നാലെ വലതു വിങ്ങിൽനിന്നെത്തിയ പന്ത്​ ബോക്​സിനുള്ളിൽ തട്ടിയും മുട്ടിയും ഗതിമാറി. ഇതിനിടെയാണ്​ ഉയർന്നെത്തിയ പന്ത്​ അലസനായി നടന്ന ഡ്രീസ്​ മെർടൻസി​​​െൻറ ബൂട്ടിന്​ പാകമാവുന്നത്​. ഉജ്ജ്വലമാ​െയാരു വോളിയിൽ പന്ത് വലയിലേക്ക്​ ഉൗർന്നിറങ്ങി. പാനമ താരങ്ങൾക്കും ഗോളിക്കും പ്രതിരോധിക്കാൻപോലും അവസരമില്ലാതെ ഉജ്ജ്വലമായൊരു വോളി ഗോൾ. 


രണ്ടാം ഗോളിനുള്ള ബെൽജിയം ശ്രമങ്ങൾ. ഇടതുവിങ്ങിലൂടെ മുന്നേറിയ ഡിബ്രുയിൽ പെനാൽറ്റി ബോക്​സിനുള്ളിൽ പാനമൻ താരങ്ങൾക്കിടയിലൂടെ പന്തുമായി ചിലന്തിവലകെട്ടുകയായിരുന്നു. ഇതിനിടെ ഗോൾമുഖം ഒഴിഞ്ഞുലഭിച്ചപ്പോൾ കുത്തിനൽകിയത്​ റൊമേലു ലുകാകുവിന്​. ഒാഫ്​സൈഡ്​ കെണിപൊട്ടിച്ച്​  മനോഹര ഹെഡ്​ഡറിലൂടെ പന്ത്​ വലയിൽ. പനാമയെ നിശ്ശേഷം തകർത്ത്​ മൂന്നാം ഗോൾ. വേഗത, കൃത്യത, ഫിനിഷിങ്​​. സ്വന്തം പകുതിയിൽനിന്ന്​ ഡിബ്രുയിനും വിസലും തുടങ്ങിയ നീക്കം ഹസാഡിലൂടെ​ ലുകാക്കുവിലേക്ക്​. മധ്യനിരയിൽനിന്ന്​ പന്തെടുത്ത മാഞ്ചസ്​റ്റർ താരം മിന്നൽവേഗത്തിൽ ഒാടിക്കയറി ​േഗാളിയെയും മറികടന്ന്​ മനോഹര ഫിനിഷിങ്​. 
 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:russiafootballfifaworldcup 2018malayalam newssports news
News Summary - lukaku star belgium fifa worldcup 2018- Sports news
Next Story