തുടർച്ചയായ 12ാം സീസണിലും 20 ഗോൾ; റെക്കോർഡിട്ട്​ മെസ്സി

ബാഴ്​സലോണ: സ്​പാനിഷ്​ ലീഗിൽ റെക്കോർഡിട്ട്​ ബാഴ്​സോണ താരം ലണയൽ മെസി. റയൽ മലോർക്കക്കെതിരായ മൽസരത്തിൽ ഗോൾ നേടിയതോടെയാണ്​ സ്​പാനിഷ്​ ലീഗിലെ തുടർച്ചയായ 12 സീസണുകളിലും 20 ഗോൾ നേടുന്ന താരമായി മെസി മാറിയത്​. 

ലയണൽ മെസ്സിയുടെ പ്രകടന മികവിൽ മ​േലാർക്കയെ 4-0 നാണ്​ ബാഴ്​സലോണ തകർത്ത്​ വിട്ടത്​. പേശി വേദനയടക്കമുള്ള പ്രശ്​നങ്ങളിൽ വലയുകയായിരുന്ന മെസ്സി കളിക്കളത്തിൽ അമ്പരപ്പിക്കുന്ന പ്രകടനമാണ്​ പുറത്തെടുത്തത്​. ഒരു ഗോളടിക്കുകയും രണ്ട്​ ഗോളുകളിലേക്ക് സൂപ്പർ താരം​ വഴി തുറക്കുകയും ചെയ്​തു.

കോവിഡ്​ ഇടവേളക്ക്​ ശേഷമായിരുന്നെങ്കിലും സാമൂഹിക അകലം ഉറപ്പുവരുത്തുന്ന നിയന്ത്രണങ്ങളൊന്നും കളിക്കളത്തിൽ ഉണ്ടായിരുന്നില്ല. പരസ്​പരം ആശ്ലേഷിച്ചാണ്​ കളിക്കാർ കളം വിട്ടത്​.