ലോകകപ്പിന് ശേഷം വിരമിക്കാനൊരുങ്ങി ലയണൽ മെസ്സി

റഷ്യ: ഈ ലോകകപ്പോടെ അന്താരാഷ്ട്ര മത്സരങ്ങളിൽ നിന്ന് വിട പറയാനൊരുങ്ങി അർജന്റീനയുടെ സൂപ്പർ താരം ലയണൽ മെസ്സി. അന്താരാഷ്ട്ര കരിയറിലെ തൻെറ ഭാവി ഈ ലോകകപ്പിൽ അർജൻറീന ലോകകപ്പ് നേടുന്നതിനെ ആശ്രയിച്ചിരിക്കുമെന്ന് മെസ്സി വ്യക്തമാക്കി. 

മൂന്ന് നിർണായക ഫൈനലുകളിൽ കളിക്കുന്നത് എളുപ്പമല്ല, അഭിനന്ദിക്കപ്പെടേണ്ടതാണ്. എന്നാലും കിരീടം നേടിയെടുക്കേണ്ടത് വളരെ പ്രധാനമാണ്. എന്നാൽ അതത്ര എളുപ്പമല്ല- സ്പാനിഷ് മാധ്യമത്തോട് മെസ്സി മനസ്സു തുറന്നു.

2016ൽ കോപ അമേരിക്ക ഫൈനലിൽ ചിലിയോട് തോറ്റതിന് പിന്നാലെ മെസ്സി വിരമിക്കൽ പ്രഖ്യാപനം നടത്തിയിരുന്നു.