ലാലിഗ സമാപിച്ചു; റയലിന്​ സമനില; ബാഴ്​സക്ക്​ ജയം

മഡ്രിഡ്​: മഹാമാരിയും കാണികളില്ലാത്ത കളിക്കളവും കോവിഡ്​ പ്രോ​േട്ടാകോളി​​െൻറ നാടകീയതകളുംകൊണ്ട്​ സംഭവബഹുലമായ ലാ ലിഗ സീസണിന്​ കൊടിയിറക്കം. ചരിത്രത്തിലെ ഏറ്റവും ദൈർഘ്യമേറിയ സീസൺ എന്ന റെക്കോഡുമായി സമാപിച്ചപ്പോൾ റയൽ കിരീടാവകാശിയായിമാറി.

കോവിഡ്​ ഇടവേളക്കുശേഷം തുടർച്ചയായി 10 കളി ജയിച്ച്​ ചാമ്പ്യൻഷിപ് സ്വന്തമാക്കിയ റയൽ മഡ്രിഡിനെ തരംതാഴ്​ത്തപ്പെട്ട ലെഗാനസ്​ 2-2ന്​ സമനിലയിൽ തളച്ചപ്പോൾ, ബാഴ്​സലോണ ഡിപോർടിവോ അലാവസിനെ 5-0ത്തിന്​ തരിപ്പണമാക്കി. അത്​ലറ്റികോ മഡ്രിഡും ഗെറ്റാഫെയും 1-1ന്​ സമനില വഴങ്ങി.

റയലി​​െൻറ പെർഫക്​ട്​ റൺ എന്ന ലക്ഷ്യത്തിനാണ്​ തരംതാഴ്​ത്തൽ എന്ന മരണവെപ്രാളത്തിൽ പിടയുന്ന ലെഗാനസ്​ അള്ളുവെച്ചതെങ്കിലും കാര്യമുണ്ടായില്ല. ​17ാം സ്​ഥാനത്തുള്ള സെൽറ്റ വിഗോ (37 പോയൻറ്​) ഏറ്റവും പിൻനിരയിലുള്ള എസ്​പാന്യോളിനോട്​ ഗോൾരഹിത സമനില പാലിച്ചതോടെ റയലിനെതിരെ ജയിച്ചിട്ടും ലെഗാനസ്​ (36) ഒരു പോയൻറ്​ വ്യത്യാസത്തിൽ പുറംതള്ളപ്പെട്ടു. സെർജിയോ റാ​േമാസും (9ാം മിനിറ്റ്​), മാർകോ അസൻസിയോ (52) യും റയലിനായി ഗോളടിച്ചു. 

റയൽ കളത്തിലിറങ്ങും മുമ്പായിരുന്നു ബാഴ്​സലോണയുടെ മത്സരം. ലയണൽ മെസ്സി ഇരട്ട ഗോൾ (34,75 മിനിറ്റ്​) നേട്ടവുമായി ടീമി​​െൻറ പടയോട്ടം മുന്നിൽനിന്ന്​ നയിച്ചു. അൻസു ഫാതി (24ാം മിനിറ്റ്​), ലൂയി സുവാരസ്​ (44),​ നെൽസൺ സെമീഡോ (57) എന്നിവർ ശേഷിച്ച ഗോളും വലയിലാക്കി.

റയൽ, ബാഴ്​സലോണ, അത്​ലറ്റികോ മഡ്രിഡ്​, സെവിയ്യ എന്നിവർ ചാമ്പ്യൻസ്​ ലീഗ്​ യോഗ്യത ഉറപ്പിച്ചപ്പോൾ, വിയ്യാറയലിനും റയൽ സോസിഡാഡിനും യൂറോപ ലീഗ്​ യോഗ്യത. ലെഗാനസ്​, മയോർക്ക, എസ്​പാന്യോൾ ടീമുകൾ രണ്ടാം ഡിവിഷനിലേക്ക്​ തരംതാഴ്​ത്തപ്പെട്ടു.