ലാലിഗയിൽ സെവിയ്യക്കെതിരെ റയൽ മാഡ്രിഡിന് ജയം

മാഡ്രിഡ്: ലാലിഗയിൽ സെവിയ്യക്കെതിരെ റയൽ മാഡ്രിഡിന് ജയം. കരിം ബെൻസമ 64ാം മിനിട്ടിൽ നേടിയ ഗോളിന്‍റെ പിൻബലത്തിലാണ ് റയൽ വിജയം കണ്ടത്. സ്കോർ: റയൽ മാഡ്രിഡ്-1, സെവിയ്യ -0.

വിജയത്തോടെ 11 പോയിന്‍റുമായി റയല്‍ രണ്ടാം സ്ഥാനത്തെത്തി. ചാ മ്പ്യൻസ് ലീഗിലെ പരാജയത്തിന്‍റെ ക്ഷീണം തീർക്കാനുമായി. സ്പാനിഷ് വമ്പന്മാരായ റയല്‍ മാഡ്രിഡിനെ ഗ്രൂപ്പിലെ ആദ്യ മത്സരത്തില്‍ പി.എസ്.ജി എതിരില്ലാത്ത മൂന്നു ഗോളുകള്‍ക്ക് തോൽപ്പിച്ചിരുന്നു.

റയൽ പരിശീലകന്‍ സിനദിന്‍ സിദാനും സെവിയ്യക്കെതിരായ വിജയം ആശ്വാസം നൽകിയിരിക്കുകയാണ്. പി.എസ്.ജിക്കെതിരായ മത്സരത്തിലെ വമ്പന്‍ തോല്‍വിക്ക് പിന്നാലെ റയല്‍ മാഡ്രിഡ് നേതൃമാറ്റത്തെക്കുറിച്ച് ആലോചിക്കുന്നതായി റിപ്പോർട്ടുകളുണ്ടായിരുന്നു.