ജൂനിയര്‍ ഫുട്ബാള്‍: കോഴിക്കോട്-മലപ്പുറം ഫൈനല്‍ 

കോഴിക്കോട്: സംസ്ഥാന ജൂനിയര്‍ ഫുട്ബാള്‍ ചാമ്പ്യന്‍ഷിപ്പില്‍ കോഴിക്കോടും മലപ്പുറവും ഫൈനലില്‍. ചൊവ്വാഴ്ച നടന്ന ആദ്യ സെമിഫൈനലില്‍ മലപ്പുറം എതിരില്ലാത്ത ഒരു ഗോളിന് ആലപ്പുഴയെ പരാജയപ്പെടുത്തി. മലപ്പുറത്തിനുവേണ്ടി 12ാം മിനിറ്റില്‍ അബ്ദുല്‍ റാഷിദാണ് ഗോള്‍ സ്കോര്‍ ചെയ്തത്. രണ്ടാം സെമിയില്‍ കോഴിക്കോട് ഏകപക്ഷീയമായ ഒരു ഗോളിന് തൃശൂരിനെ പരാജയപ്പെടുത്തി. 43ാം മിനിറ്റില്‍ ക്യാപ്റ്റന്‍ മുഹമ്മദ് ലാമിസാണ് കോഴിക്കോടിന്‍െറ വിജയ ഗോള്‍ നേടിയത്. ബുധനാഴ്ച വൈകീട്ട് 4.30നാണ് ഫൈനല്‍ മത്സരം. ലൂസേഴ്സ് ഫൈനല്‍ രാവിലെ ഏഴിന് നടക്കും. വിജയികള്‍ക്കുള്ള ഹസന്‍ഘോഷ് മെമ്മോറിയല്‍ ട്രോഫി സംസ്ഥാന സ്പോര്‍ട്സ് കൗണ്‍സില്‍ പ്രസിഡന്‍റ് ടി.പി. ദാസന്‍ സമ്മാനിക്കും. ഇടുക്കിയാണ് നിലവിലെ ജേതാക്കള്‍, കോഴിക്കോടാണ് റണ്ണറപ്പ്.