ഇറ്റാലിയൻ ലീഗ് കിരീടം യുവൻറസിന്; ചരിത്രം കുറിച്ച് റോണോ
text_fields
ടൂറിൻ: അഞ്ച് മത്സരം ശേഷിക്കേ ഇറ്റാലിയൻ സീരി എ കിരീടം ഉറപ്പിച്ച് ക്രിസ്റ്റ്യാനോ റൊണാൾഡോയുടെ യുവൻറസ്. ഫ ിയോറെൻറീനയെ ഒന്നിനെതിരെ രണ്ട് ഗോളുകൾക്ക് തകർത്താണ് യുവൻറസിെൻറയും റൊണാൾഡോയുടെയും ചരിത്ര നേ ട്ടം. യുവൻറസിെൻറ തുടർച്ചയായ എട്ടാം കിരീടമാണിത്.
ഒരു ഗോളിന് പിന്നിൽ നിന്നതിന് ശേഷമാണ് യുവൻറസ് വിജയിക്കുന്നത്. ആറാം മിനിറ്റിൽ തന്നെ ലീഡ് വഴങ്ങേണ്ടി വന്നത് തിരിച്ചടിയായെങ്കിലും. 37ാം മിനിറ്റിൽ സാൻഡ്രോയിലൂടെ മറുപടി നൽകി. എന്നാൽ വിജയിക്കാൻ യുവൻറസിന് പെസല്ലയുടെ സെൽഫ് ഗോൾ വേണ്ടി വന്നു. രണ്ടാം പകുതിയിലായിരുന്നു ഫിയോറൻറീനയെ തകർത്ത സെൽഫ് ഗോൾ.
ക്രിസ്റ്റ്യനോക്കും ഇത് ചരിത്ര നേട്ടമാണ്. ഇംഗ്ലീഷ് പ്രീമിയർ ലീഗിലും സ്പാനിഷ് ലീഗിലും കിരീടങ്ങൾ നേടിയതിന് ശേഷം ഇറ്റാലിയൻ ലീഗിലും പതിവ് ആവർത്തിച്ചിരിക്കുകയാണ് അദ്ദേഹം. യുവൻറസിൽ വന്നതിന് ശേഷം റോണോ നേടുന്ന ആദ്യ കിരീടമാണിത്.