ക്രിസ്​റ്റ്യാനോയുടെ ഹാട്രിക്കിൽ അത്​ലറ്റികോയെ വീഴ്​ത്തി യുവൻറസ്​ ക്വാർട്ടറിൽ

ടൂറിൻ: മനസ്സിൽ ഉറപ്പിച്ചതെല്ലാം മൈതാനത്ത്​ അതേപോലെ നടപ്പാക്കിയ ക്രിസ്​റ്റ്യാനോ റൊണാൾഡോയുടെ രാത്രിയായ ിരുന്നു ഇത്​. ‘എനിക്കും യുവൻറസിനും ഇതൊരു വിശേഷപ്പെട്ട രാത്രിയാണ്​. ഫുട്​ബാളിനൊരു മാന്ത്രിക രാത്രിയാവും’ -ച ാമ്പ്യൻസ്​ ലീഗ്​ പ്രീക്വാർട്ടറിൽ അത്​ലറ്റികോ മഡ്രിഡിനെ ​ക്രിസ്​റ്റ്യാനോ റൊണാൾഡോയെന്ന ഒറ്റയാൻ ചുരുട്ടി ക്കെട്ടു​േമ്പാൾ തലേദിനം വാർത്താ സമ്മേളനത്തിൽ പറഞ്ഞ വാക്കുകൾ പലവുരു മന്ത്രിച്ചു. അത്രമാത്രം അമാനുഷികമായിരുന ്നു ​ടൂറിനിലെ അലയൻസ്​ സ്​റ്റേഡിയത്തിൽ കണ്ടത്​. കളിക്കളത്തിലെ 21 പേരെയും അപ്രസക്​തമാക്കുന്ന പ്രകടനവുമായി ഫുട്​ബാളിനെ അയാൾ സിംഗ്​ൾ ഗെയിമാക്കി മാറ്റി.

ത​​െൻറ പഴയ തട്ടകമായ മഡ്രിഡിൽ നടന്ന ആദ്യ പാദത്തിൽ 2-0ത്തിന്​ അത്​ലറ്റികോ മ​ഡ്രിഡിനോടേറ്റ തോൽവിയുടെ നിരാശകൾക്ക്​ പലിശസഹിതം മറുപടി നൽകിയ പ്രകടനം. പോർചുഗൽ താരത്തി​​െൻറ ഹാട്രിക്​ ഗോളിൽ 3-0ത്തിന്​ അത്​ലറ്റികോയെ വീഴ്​ത്തി യുവൻറസ്​ ക്വാർട്ടർ ഫൈനലിൽ ഇടംനേടി. ഇരു പാദങ്ങളിലുമായി 3-2​​െൻറ ജയം.
േജാർജിയോ ചെല്ലിനിയും ജൊവോ കാൻസിലോയും, ലിയനാർഡോ ബനൂചിയും അണിനിരന്ന പ്രതിരോധത്തെ കരുത്താക്കി മാറ്റിയാണ്​ ടൂറിനിൽ റൊണാൾഡോ കളംഭരിച്ചത്​. നാലാം മിനിറ്റിൽ ചെല്ലിനിയുടെ ഷോട്ട്​ വലകുലുക്കിയെങ്കിലും ഒാഫ്​സൈഡ്​ വിളിയിൽ കുരുങ്ങി. കളി ഗതിയുടെ സൂചനയായിരുന്നു അവിടെ കണ്ടത്​. അൽവാരോ മൊറാറ്റയും അ​​െൻറായിൻ ഗ്രീസ്​മാനും നയിച്ച അത്​ലറ്റ​ികോയുടെ മുന്നേറ്റത്തെ പിടിച്ചുകെട്ടിയ ഇറ്റലിക്കാർ പന്തിനെ എതിർ പാതിയിൽ തന്നെ നിലനിർത്തി. 27ാം മിനിറ്റിലാണ്​ ​ക്രിസ്​റ്റ്യാനോയുടെ ആദ്യ ഗോൾ പിറക്കുന്നത്​. മധ്യവരയിൽ നിന്നെടുത്ത പന്തുമായി ഇടതു വിങ്ങിൽനിന്ന്​ ഫ്രെഡറികോ ബെർണാഡ്​ഷി നൽകിയ ലോങ്​ ക്രോസിനെ പറന്നുയർന്ന്​ ഹെഡ്​ ചെയ്​തപ്പോൾ പ്രതിരോധ താരം യുവാൻ ഫ്രാനും തൊടാനായില്ല. ഗോളി ഒബ്ലാകിനെ കീഴടക്കി പന്ത്​ വലയിൽ.

ആദ്യ പകുതിക്കു പിന്നാലെ 49ാം മിനിറ്റിലായിരുന്നു രണ്ടാം ഗോൾ. അതും അസാധ്യമായ ക്രിസ്​റ്റ്യാനോ ​ടച്ചിൽ. മധ്യനിരയിൽനിന്ന്​ വൺടച്ചിലൂടെയെത്തിയ പന്തിനെ പോസ്​റ്റിന്​ വാരകൾക്കകലെ നിന്നും ഇക്കുറി അളന്നുമുറിച്ചു നൽകിയത്​ ജൊവോ കാൻസിലോ. യവെ താരങ്ങളായ മാൻസുകിചും, ​െബ്ലയ്​സ്​ മറ്റ്യുയിഡിലും ഫ്രെഡറികോയും കൂടിനിൽക്കെ, ഉയർന്നു ചാടിയ ​ക്രിസ്​റ്റ്യാനോ​യുടെ ഹെഡർ പിഴച്ചില്ല. പന്ത്​ വലയിലേക്ക്​. എന്നാൽ, ഗോളി ഒബ്ലക്​ തട്ടിയകറ്റിയെങ്കിലും പന്ത്​ വരകടന്നതായി റഫറിയുടെ വാച്ചിൽ തെളിഞ്ഞു. ഗോൾ ലൈൻ ടെക്​നോളജിയുടെ കൃത്യനിഷ്​ഠയിൽ ക്രിസ്​റ്റ്യാനോയുടെ രണ്ടാം ഗോൾ. രണ്ടടിച്ച്​ കടം വീട്ടിയവർക്ക്​ പിന്നെ വേണ്ടത്​ ജയിക്കാനുള്ള ഗോൾ. ഡിബാലയും മോയ്സെ കീനും ഗ്രൗണ്ടിലെത്തി ആ​ക്രമണം കനപ്പിച്ചു. ഇതിനിടെ 86ാം മിനിറ്റിലാണ്​ പെനാൽറ്റി പിറക്കുന്നത്​. പോസ്​റ്റിനുള്ളിൽ ഫ്രെഡറികോ ബെർനാഡെഷിയെ ഫൗൾ ചെയ്​ത്​ വീഴ്​ത്തിയതിന്​ റഫറിയുടെ വിസിൽ. കിക്കെടുത്ത ക്രിസ്​റ്റ്യാനോ ഹാട്രിക്​ തികച്ച്​ യുവെയെ ക്വാർട്ടറിലേക്ക്​ നയിച്ചു.യുവൻറസി​െനയും ക്രിസ്​റ്റ്യാനോയെയും പ്രശംസിച്ചാണ്​ അത്​ലറ്റികോ കോച്ച്​ സിമിയോണിയും മടങ്ങിയത്​. ‘​അദ്ദേഹം ലോകത്തെ മികച്ച ഫുട്​ബാളറാണ്​. ഇൗ ജയം അവർ അർഹിക്കുന്നു’ -സിമിയോണി പറഞ്ഞു.