ക്രിസ്റ്റ്യാനോ രക്ഷകൻ; തോൽവി ഒഴിവാക്കി യുവൻറസ്
text_fieldsടൂറിൻ: സൂപ്പർ താരം ക്രിസ്റ്റ്യാനോ റൊണാൾഡോയുടെ പെനാൽറ്റി ഗോളിൽ തോൽവി ഒഴിവാക്കി യുവൻറസ്. അറ്റ്ലാെൻറക്കെതിരായ മത്സരത്തിലാണ് പറങ്കി നായകെൻറ രണ്ടു പെനാൽറ്റി ഗോളിൽ യുവൻറസ് ആശ്വാസ സമനില(2-2) നേടുന്നത്. രണ്ടു തവണയും പിന്നിട്ടു നിന്നതിനു ശേഷമായിരുന്നു ക്രിസ്റ്റ്യാനോയുടെ പെനാൽറ്റി യുവൻറസിന് തുണക്കെത്തിയത്.
ആദ്യ പകുതിയിൽ ദുവാൻ സപാറ്റ(16) നേടിയ ഗോളിൽ അറ്റ്ലാൻറ മുന്നിലെത്തിയിരുന്നു. എന്നാൽ, ആദ്യ പകുതിക്കു പിന്നാലെ ക്രിസ്റ്റ്യാനോയുടെ പെനാൽറ്റിയിൽ(55) യുവൻറസ് ഒപ്പമെത്തി. പക്ഷേ, പ്രതിരോധത്തിലുണ്ടായ ചോർച്ചയിൽ 80ാം മിനിറ്റിൽ വീണ്ടും യുവൻറസിന് തിരിച്ചടിയുണ്ടായി. പകരക്കാരനായി എത്തിയ റുസ്ലൻ മലിനോവ്സ്കിയാണ് നിലവിലെ ചാമ്പ്യന്മാരെ ഞെട്ടിച്ചത്.
എന്നാൽ, 90ാം മിനിറ്റിൽ വീണ്ടും പെനാൽറ്റി ഭാഗ്യം യുവൻറസിനെ തേടിവന്നപ്പോൾ സൂപ്പർ താരം പിഴവില്ലാതെ ടീമിന് ആശ്വാസ സമനില എത്തിക്കുകയായിരുന്നു. എട്ടു പോയൻറിെൻറ ലീഡുമായി ഒന്നാം സ്ഥാനത്താണ് യുവൻറസ്. അറ്റ്ലാൻറ(67 പോയൻറ്) മൂന്നാം സ്ഥാനത്താണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.