ഇം​ഗ്ലീ​ഷു​കാ​രെ ക​ളി​പ്പി​ക്കാ​ൻ ഒ​രു മാ​ള​ക്കാ​ര​ൻ

ഇം​ഗ്ലീ​ഷു​കാ​രെ പ​രി​ശീ​ല​ക​രാ​യി ഇ​ന്ത്യ​ൻ ക്ല​ബു​ക​ളി​ലെ​ത്തി​ക്കു​ക​യാ​ണ്​ പ​തി​വ്. എ​ന്നാ​ൽ, ഒ​രു ഇം​ഗ്ലീ​ഷ്​ ക്ല​ബി​​െൻറ മു​ഖ്യ പ​രി​ശീ​ല​ക​നാ​യി തി​ള​ങ്ങു​ന്ന​ത്​ തൃ​ശൂ​ർ മാ​ള സ്വ​ദേ​ശി​യാ​യ ജ​സ്​​റ്റി​ൻ ജോ​സ്​ എ​ന്ന മ​ല​യാ​ളി. വ​നി​ത ലീ​ഗ്​ ടീ​മാ​യ സ​ട്ട​ൻ യു​നൈ​റ്റ​ഡ്​ എ​ൽ.​എ​ഫ്.​സി ഹെ​ഡ്​ കോ​ച്ചാ​യാ​ണ്​ യു​വേ​ഫ ‘ബി’ ​കോ​ച്ചി​ങ്​ ലൈ​സ​ൻ​സു​കാ​ര​നാ​യ ജ​സ്​​റ്റി​ൻ ജോ​സി​നെ നി​യ​മി​ച്ച​ത്. എ​ൻ​ജി​നീ​യ​റി​ങ്​ ബി​രു​ദ​ധാ​രി​യാ​യി മും​ബൈ​യി​ൽ എ​യ​ർ ഇ​ന്ത്യ​യി​ൽ ജോ​ലി​ചെ​യ്​​ത ജ​സ്​​റ്റി​ൻ ഫു​ട്​​ബാ​ളി​നോ​ടു​ള്ള ഇ​ഷ്​​ടം കൂ​ടി​യ​തോ​ടെ​യാ​ണ്​ പ​രി​ശീ​ല​ക കു​പ്പാ​യ​ത്തി​ലേ​ക്ക്​ ചു​വ​ടു​മാ​റി​യ​ത്. 

ഗ്രേ​റ്റ​ർ ല​ണ്ട​ൻ വ​നി​ത ഫു​ട്​​ബാ​ൾ ര​ണ്ടാം ഡി​വി​ഷ​ൻ ലീ​ഗ്​ ടീ​മാ​യ സ​ട്ട​ൺ എ​ഫ്.​സി സീ​സ​ണി​ലെ ആ​റ്​ ക​ളി ക​ഴി​ഞ്ഞ​പ്പോ​ൾ ജ​സ്​​റ്റി​ൻ ജോ​സി​നു​ കീ​ഴി​ൽ ​മു​ൻ​നി​ര​യി​ൽ​ത​ന്നെ​യാ​ണു​ള്ള​ത്. മി​ക​ച്ച പ​രി​ശീ​ല​ക​രു​ള്ള ഇം​ഗ്ല​ണ്ടി​ൽ മി​ക​വു​കൊ​ണ്ട്​ മു​ൻ​നി​ര​യി​ലെ​ത്തി​യാ​ണ്​ ജ​സ്​​റ്റി​ൻ മു​ഖ്യ പ​രി​ശീ​ല​ക​നാ​വു​ന്ന​ത്.മാ​ള​യി​ലെ ​ഇ.​കെ ജോ​സ്​-​മേ​രി ജോ​സ്​ ദ​മ്പ​തി​ക​ളു​ടെ മ​ക​നാ​യ ജ​സ്​​റ്റി​ൻ നാ​ട്ടി​ലെ ഹോ​ളി ചൈ​ൽ​ഡ്​ സ്​​കൂ​ളി​ലെ പ​ഠ​ന​കാ​ല​ത്താ​ണ്​ ഫു​ട്​​ബാ​ളി​നെ ഒ​പ്പം കൂ​ട്ടു​ന്ന​ത്. ക​ളി​ക്കാ​ര​നാ​യി തി​ള​ങ്ങി​യി​ല്ലെ​ങ്കി​ലും കാ​ൽ​പ​ന്തി​ലെ പ്രി​യം കോ​ച്ചി​​െൻറ കു​പ്പാ​യ​ത്തി​ലേ​ക്ക്​ ആ​ക​ർ​ഷി​ച്ചു.

സെ​പ്​​റ്റ്​ അ​ക്കാ​ദ​മി​യി​ലൂ​ടെ​യാ​യി​രു​ന്നു തു​ട​ക്കം. 2011ൽ ​ഇം​ഗ്ല​ണ്ടി​ലെ​ത്തി​യ ഇ​ദ്ദേ​ഹം വി​വി​ധ യൂ​ത്ത്​ ടീ​മു​ക​ളു​ടെ​യും അ​ക്കാ​ദ​മി​ക​ളു​ടെ​യും ഭാ​ഗ​മാ​യി. ആ​ഴ്​​സ​ന​ൽ ക​മ്യൂ​ണി​റ്റി പ്രോ​ഗ്രാം പ​രി​ശീ​ല​ക​നാ​യി മി​ക​ച്ച ക​മ്യൂ​ണി​റ്റി കോ​ച്ചി​നു​ള്ള പു​ര​സ്​​കാ​ര​വും നേ​ടി. 2012ൽ ​റോ​ഹാം​പ്​​ട​ൻ സ​ർ​വ​ക​ലാ​ശാ​ല കോ​ച്ചാ​യി​രു​ന്നു. ശേ​ഷം വി​വി​ധ ക്ല​ബു​ക​ൾ​ക്കൊ​പ്പം പ്ര​വ​ർ​ത്തി​ച്ചു. ഏ​റ്റ​വും ഒ​ടു​വി​ൽ ക​ഴി​ഞ്ഞ ജൂ​ണി​ലാ​ണ്​ സ​ട്ട​ൺ എ​ൽ.​എ​ഫ്.​സി സീ​നി​യ​ർ ടീം ​കോ​ച്ചാ​യി സ്​​ഥാ​ന​മേ​ൽ​ക്കു​ന്ന​ത്.