ജ​യ​ത്തോ​ടെ ഇ​റ്റ​ലി​ക്ക്​ യൂ​റോ​ക​പ്പ്​ യോ​ഗ്യ​ത; സ്​​പെ​യി​നി​ന്​ സ​മ​നി​ല

22:41 PM
13/10/2019
italy-vs-greece-131019.jpg

പാ​രി​സ്​: ഇ​റ്റാ​ലി​യ​ൻ ഫു​ട്​​ബാ​ളി​​​െൻറ പു​തു​പ്പി​റ​വി​യു​ടെ അ​ട​യാ​ള​മാ​യി ച​രി​ത്രം ഈ ​ദി​ന​ത്തെ അ​ട​യാ​ള​പ്പെ​ടു​ത്ത​ും. 2018 ലോ​ക​ക​പ്പ്​ യോ​ഗ്യ​ത​യി​ല്ലാ​തെ​യും, തു​ട​ർ​തോ​ൽ​വി​ക​ളു​മാ​യും നാ​ണം​കെ​ട്ട കാ​ല​ത്തോ​ടെ യാ​ത്ര​പ​റ​ഞ്ഞ്​ ഇ​റ്റ​ലി പു​ന​ർ​ജ​നി​ക്കു​ന്നു. പ​തി​വ്​ നീ​ല​ക്കു​പ്പാ​യം മാ​റ്റി പ​ച്ച​യി​ൽ അ​ണി​ഞ്ഞി​റ​ങ്ങി​യ അ​സൂ​റി​ക​ൾ 2020 യൂ​റോ​ക​പ്പി​ന്​ യോ​ഗ്യ​ത നേ​ടു​ന്ന ര​ണ്ടാം സം​ഘ​മാ​യി മാ​റി.

അ​സൂ​റി​പ്പ​ട​യു​ടെ ച​രി​ത്ര​ത്തി​ൽ ര​ണ്ടാം ത​വ​ണ​യാ​ണ്​ പ​ച്ച​ക്കു​പ്പാ​യ​ത്തി​ൽ ടീം ​ഇ​റ​ങ്ങു​ന്ന​ത്. അ​താ​വ​​ട്ടെ, പു​തു​യാ​ത്ര​യി​ലേ​ക്കു​ള്ള സ​ന്തോ​ഷ​വാ​ർ​ത്ത​യു​മാ​യി. ​യൂ​റോ​ക​പ്പ്​ യോ​ഗ്യ​ത റൗ​ണ്ടി​ൽ ഗ്രൂ​പ്​ ‘ജെ’​യി​ലെ മ​ത്സ​ര​ത്തി​ൽ ഗ്രീ​സി​നെ മ​റു​പ​ടി​യി​ല്ലാ​ത്ത ര​ണ്ട്​ ഗോ​ളി​ന്​ വീ​ഴ്​​ത്തി​യാ​ണ്​ ടീ​മി​​​െൻറ ഏ​ഴാം ജ​യം. ഇ​തോ​ടെ, 21 പോ​യ​ൻ​റു​മാ​യി വ​ൻ​ക​ര​യു​ടെ മ​ഹാ​പോ​രാ​ട്ട​ത്തി​ലേ​ക്ക്​ ബെ​ൽ​ജി​യ​ത്തി​നു പി​ന്നാ​ലെ ര​ണ്ടാ​മ​ന്മാ​രാ​യി യോ​ഗ്യ​ത ഉ​റ​പ്പാ​ക്കി. ​ഗോ​ൾ ര​ഹി​ത​മാ​യ ആ​ദ്യ​പ​കു​തി​ക്ക്​ ശേ​ഷ​മാ​യി​രു​ന്നു ര​ണ്ട്​ ഗോ​ളു​മെ​ത്തി​യ​ത്. 

63ാം മി​നി​റ്റി​ൽ പെ​നാ​ൽ​റ്റി ല​ക്ഷ്യ​ത്തി​ലെ​ത്തി​ച്ച്​ ജോ​ർ​ജി​ന്യോ​യും, 78ാം മി​നി​റ്റി​ൽ നി​ലം​പ​റ്റെ​യു​ള്ള ലോ​ങ്​​റേ​ഞ്ച​റി​ലൂ​ടെ ഫ്രെ​ഡ​റി​കോ ബെ​ർ​ണാ​ഡ്​​ഷി​യു​മാ​ണ്​ സ്​​കോ​ർ ചെ​യ്​​ത​ത്. 1954ൽ ​അ​ർ​ജ​ൻ​റീ​ന​ക്കെ​തി​രാ​യ ഒ​രു മ​ത്സ​ര​ത്തി​ൽ പ​ച്ച ജ​ഴ്​​സി​യ​ണി​ഞ്ഞ ശേ​ഷം ആ​ദ്യ​മാ​യാ​ണ്​ ഇ​റ്റ​ലി വീ​ണ്ടും പ​ച്ച​യ​ണി​യു​ന്ന​ത്. അ​താ​വ​​ട്ടെ, 60 വ​ർ​ഷ​ത്തി​നു ശേ​ഷം ലോ​ക​ക​പ്പ്​ യോ​ഗ്യ​ത​യി​ല്ലാ​തെ പോ​യ​തി​​​െൻറ നി​രാ​ശ​മാ​റ്റു​ന്ന ഫ​ല​വു​മാ​യി. ഗ്രീ​സ്​ സൃ​ഷ്​​ടി​ച്ച ഒ​രു​പി​ടി അ​വ​സ​ര​ങ്ങ​ൾ​ക്ക്​ മു​ന്നി​ൽ മി​ക​ച്ച പ്ര​തി​രോ​ധ​വും തീ​ർ​ത്താ​യി​രു​ന്നു ഇ​റ്റ​ലി​യു​ടെ വി​ജ​യം.

റാമോസ് @168

സ്​​പാനി​ഷ്​ കു​പ്പാ​യ​ത്തി​ൽ ഏ​റ്റ​വും കൂ​ടു​ത​ൽ മ​ത്സ​രം ക​ളി​ക്കു​ന്ന താ​ര​മാ​യി​മാ​റി​യ നാ​യ​ക​ൻ സെ​ർ​ജി​യോ റാ​മോ​സി​ന്​ മി​ക​ച്ചൊ​രു സ​മ്മാ​ന​മൊ​രു​ക്കാ​നാ​യി​രു​ന്നു കൂ​ട്ടു​കാ​ർ ബൂ​ട്ടു​കെ​ട്ടി​യ​ത്. ജ​യി​ച്ചാ​ൽ യൂ​റോ​ക​പ്പ്​ യോ​ഗ്യ​ത​യെ​ന്ന വി​ല​പ്പെ​ട്ട സ​മ്മാ​നം. പ​ക്ഷേ, ഇ​ഞ്ചു​റി ടൈ​മി​ൽ നോ​ർ​വേ ഏ​ൽ​പി​ച്ച പ്ര​ഹ​ര​ത്തി​ൽ ആ ​മോ​ഹം പൊ​ലി​ഞ്ഞു. 1-1ന്​ ​സ​മ​നി​ല​യി​ൽ പി​രി​ഞ്ഞ​തോ​ടെ യൂ​റോ യോ​ഗ്യ​ത​ക്കാ​യി സ്​​പെ​യി​ൻ ഇ​നി​യും കാ​ത്തി​രി​ക്ക​ണം.

ക​ളി​യു​ടെ 47ാം മി​നി​റ്റി​ൽ സോ​ൾ നി​ഗ്വ​സ്​ നേ​ടി​യ ഗോ​ളി​ൽ സ്​​പെ​യി​നാ​ണ്​ മു​ന്നി​ലെ​ത്തി​യ​ത്. ലീ​ഡു​യ​ർ​ത്താ​ൻ പ​ല​വ​ട്ടം അ​വ​സ​രം ല​ഭി​ച്ചെ​ങ്കി​ലും വ​ള​ഞ്ഞി​ട്ട നോ​ർ​വേ പ്ര​തി​രോ​ധം ഗോ​ൾ നി​ഷേ​ധി​ച്ചു. എ​ന്നാ​ൽ, 94ാം മി​നി​റ്റി​ൽ അ​വ​രു​ടെ ​വി​ജ​യ മോ​ഹം ത​ക​ർ​ത്ത്​ നോ​ർ​വേ സ​മ​നി​ല ഗോ​ൾ നേ​ടി. ജോ​ഷ്വ കി​ങ്ങി​​െൻറ ബൂ​ട്ടി​ൽ​നി​ന്നാ​യി​രു​ന്നു ഗോ​ൾ.

ഗ്രൂ​പ്പി​ൽ ഏ​ഴ്​ ക​ളി​യി​ൽ ആ​റും ജ​യി​ച്ച സ്​​പെ​യി​നി​​െൻറ വി​ജ​യ​യാ​ത്ര​ക്കാ​ണ്​ നോ​ർ​വേ ബ്രേ​ക്കി​ട്ട​ത്. ഇ​നി, 16ന്​ ​റു​േ​മ​നി​യ​ക്കെ​തി​രെ​യാ​ണ്​ അ​ടു​ത്ത ക​ളി. മ​റ്റു മ​ത്സ​ര​ങ്ങ​ളി​ൽ സ്വീ​ഡ​ൻ 4-0ത്തി​ന്​ മാ​ൾ​ട്ട​യെ​യും, ബെ​ൽ​ജി​യം 2-0ത്തി​ന്​ ക​സാ​ഖി​സ്​​താ​നെ​യും, ഡെ​ന്മാ​ർ​ക്​ 1-0ത്തി​ന്​ സ്വി​റ്റ്​​സ​ർ​ല​ൻ​ഡി​നെ​യും തോ​ൽ​പി​ച്ചു. യൂ​റോ​ക​പ്പി​ന്​ ആ​ദ്യം യോ​ഗ്യ​ത നേ​ടി​യ ബെ​ൽ​ജി​യം മി​ഷി ബാ​റ്റ്​​ഷു​യി​യു​ടെ​യും, തോ​മ​സ്​ മ്യൂ​ണി​യ​റു​ടെ​യും ഗോ​ളി​ലാ​ണ്​ ജ​യി​ച്ചു ക​യ​റി​യ​ത്. എ​ട്ടി​ൽ എ​ട്ടും ജ​യി​ച്ചാ​ണ്​ അ​വ​രു​ടെ കു​തി​പ്പ്. 

Loading...
COMMENTS