സീരി ‘എ’ ആഗസ്​റ്റ്​ രണ്ട്​ വരെ നീളും

മിലാൻ: കോവിഡ്​ 19ൻെറ പശ്ചാത്തലത്തിൽ 2019-20 സീരി ‘എ’ സീസൺ അവസാനിക്കുന്നത്​ ജൂൺ 30ൽ നിന്നും ആഗസ്​റ്റ്​ രണ്ടിലേക്ക്​ നീട്ടാൻ തീരുമാനിച്ചതായി ഇറ്റാലിയൻ ഫുട്​ബാൾ ഫെഡറേഷൻ പ്രസിഡൻറ്​ ഗബ്രിയേൽ ഗ്രാവിന പറഞ്ഞു.

സീസൺ പൂർത്തിയാക്കാൻ വ്യാഴ​ാഴ്​ച ലീഗിലെ 20 ടീമുകൾ ഒറ്റക്കെട്ടായി തീരുമാനമെടുത്തിരുന്നു. എന്നാൽ അന്തിമ തീരുമാനം ഇറ്റാലിയൻ സർക്കാറാണ്​ എടുക്കേണ്ടത്​. മെയ്​ നാല്​ മുതൽ ടീമുകൾക്ക്​ പരിശീലനം പുനരാരംഭിക്കാനാകുമെന്നാണ്​ ഫെഡറേഷൻെറ ​പ്രതീക്ഷ.

യൂറോപ്പിൽ കോവിഡ്​ കനത്ത നാശം വിതച്ച രാജ്യങ്ങളിലൊന്നായ ഇറ്റലിയിൽ മാർച്ച്​ ഒമ്പതിന്​ ശേഷം കളികളൊന്നും നടക്കുന്നില്ല. മഹാമാരി മൂലം രാജ്യത്ത്​ ഇതിനോടകം 25000ത്തിലധികം ആളുകൾക്കാണ്​ ജീവഹാനി സംഭവിച്ചത്​.