കീൻ വന്നു; കൊൽക്കത്തക്ക്​ ജയം

മുംബൈ: മുംബൈ സിറ്റി എഫ്.സിയെ അവരുടെ സ്വന്തം തട്ടകത്തില്‍ മുട്ടുകുത്തിച്ച് എ.ടി.കെക്ക് ഐ.എസ്.എല്‍ സീസണിലെ ആദ്യ ജയം. പടനായകൻ റോബി കീൻ പരിക്കുമാറി അരങ്ങേറ്റം കുറിച്ച മത്സരത്തിൽ റോബിന്‍ സിങ്ങി​​​െൻറ ബൂട്ടില്‍നിന്ന് പിറന്ന ഏക ഗോളിനാണ് വംഗനാടി​​​െൻറ വിജയം. മുംബൈയുടെ സൂപ്പര്‍ താരം അഖിലെ എമാനെയെ കുരുക്കിലാക്കിയും ലൂസിയാന്‍ ഗോയിയാ​​​െൻറ പ്രതിരോധപ്പടയെ നിരന്തര സമ്മര്‍ദത്തിലാക്കിയുമായിരുന്നു റോബീ കീൻ തിരിച്ചുവരവ്​ ഗംഭീരമാക്കിത്​. 

ഇടതു വിങ്ങിലൂടെ സെക്വീഞ്ഞയും അപകടകരമായ പാസുകളിലൂടെ റയാന്‍ ടൈലറും മുംബൈയെ വെള്ളം കുടിപ്പിക്കുന്ന കാഴ്ച ആദ്യ പകുതിയില്‍ നിരന്തരം കണ്ടു. ഇംഗ്ലീഷുകാരന്‍ തേമാസ് തോര്‍പയുടെ തലയില്‍നിന്ന് രണ്ടുതവണയാണ് മുംബൈ ഗോളി അമരീന്ദര്‍ സിങ് പന്തു പിടിച്ച് രക്ഷകനായത്. വംഗനാട്ടുകാരുടെ നിരന്തര ശ്രമം 54ാം മിനിറ്റിലാണ് വലയിലായത്.

ഇടതുവശത്ത് പാഞ്ഞെത്തി സെക്വീഞ്ഞ നല്‍കിയ പന്തില്‍ നിലത്തുവീണ് റോബിന്‍ സിങ് കാലുവെച്ചപ്പോള്‍ ഗോലിയാ​​​െൻറയും അമരിന്ദറി​​​െൻറയും കാലുകള്‍ക്കിടയിലൂടെ പന്ത് വലയിലേക്ക് കയറി (1-0). പിന്നീട് ബല്‍വന്ത് സിങ്, എമാനെ എന്നിവരെ മുന്നില്‍ നിർത്തി തിരിച്ചടിക്കാനുള്ള മുംബൈയുടെ പടയോട്ടം പക്ഷേ, ലക്ഷ്യം കണ്ടില്ല. മധ്യനിരയിൽ കീനി​​​െൻറ സാന്നിധ്യം ടീമി​​​െൻറ ആത്​മവിശ്വാസവും വർധിപ്പിച്ചു.