കടം വീട്ടാൻ മലയാളികളില്ല; വിനീതിന്​ പിന്നാലെ റിനോ ആൻറോയും ബ്ലാസ്​റ്റേഴ്​സ്​ കൈവിടുന്നു

​കഴിഞ്ഞ സീസണുകളിലെ കടം വീട്ടാൻ െഎ.എസ്​.എൽ അടുത്ത സീസണിൽ കച്ചകെട്ടിയിറങ്ങു​േമ്പാൾ ബ്ലാസ്​റ്റേഴസ്​ നിരയിൽ ഒരു പക്ഷെ ആരാധകരുടെ പ്രിയപ്പെട്ട മലയാളി താരങ്ങ​ൾ ഉണ്ടാവില്ല. സി.കെ വിനീത്​ എ.ടി.കെ കൊൽകത്തയിലേക്ക്​ പോകുന്നതി​​​െൻറ അന്തിമഘട്ട ചർച്ചകൾ പുരോഗമിക്കു​േമ്പാൾ, മറുവശത്ത്​ റിനോ ആ​േൻറായെ ടീമിലെത്തിക്കാൻ ശ്രമങ്ങൾ നടത്തുന്നത്​ ബെംഗളൂരു എഫ്​സിയും. 

ബ്ലാസ്​റ്റേഴ്​സിലേക്ക്​ വരുന്നതിന്​ മുമ്പ്​ വിനീതും റിനോയും ബെംഗളൂരുവി​​​െൻറ തുറുപ്പു ചീട്ടുകളായിരുന്നു. പ്രതിഫലത്തി​​​െൻറ കാര്യത്തില്‍ ഒരു തീരുമാനമായാൽ സി.കെ വിനീതിനെ ബദ്ധവൈരികളുടെ ജഴ്​സിയിൽ മഞ്ഞപ്പടക്ക്​ കാണേണ്ടിവരും.

പുറത്തുവരുന്ന റിപ്പോര്‍ട്ടുകള്‍ അനുസരിച്ച്​ റിനോയുമായുള്ള കരാര്‍ പുതുക്കാന്‍ ഇതുവരെ കാര്യമായ നീക്കങ്ങളൊന്നും ബ്ലാസ്‌റ്റേഴ്‌സ് മാനേജ്‌മ​​െൻറ്​ നടത്തിയിട്ടില്ല. മറ്റു ക്ലബുകളില്‍ നിന്ന് മികച്ച താരങ്ങളെ ടീമിലെത്തിക്കാൻ തീവ്രശ്രമങ്ങൾ നടത്തുന്നതിനിടയിൽ മാനേജ്‌മ​​െൻറിന്​ റിനോയുടെ കാര്യത്തില്‍ ഒരു തീരുമാനത്തിൽ എത്താനായിട്ടില്ല. നാലാം സീസണിൽ ബ്ലാസ്റ്റേഴ്‌സിനായി കളിച്ച റിനോയ്ക്ക് പല മത്സരങ്ങളിലും പരിക്കുമൂലം സൈഡ് ബെഞ്ചിലായിരുന്നു സ്ഥാനം. 

മുന്‍ ക്ലബായ ബെംഗളൂരു എഫ്‌സിക്ക്​ പുറമേ ജംഷഡ്​പൂർ എഫ്​സി, പുനെ സിറ്റി എഫ്​സി എന്നീ ടീമുകൾ റിനോയെ സ്വന്തമാക്കാന്‍ രംഗത്തുണ്ട്​​. കോച്ച് ആല്‍ബര്‍ട്ടോ റോക്കയ്ക്കും നായകൻ സുനില്‍ ഛേത്രിക്കും റിനോയെ തിരിച്ച്​ ടീമിലെത്തിക്കുന്നതിനോട്​ യോജിപ്പുണ്ടെന്നും റിപ്പോർട്ടുകളുണ്ട്​. ജൂണില്‍ ട്രാന്‍സ്ഫര്‍ വിന്‍ഡോ തുറക്കുന്നതോടെ കൂടുതല്‍ താരങ്ങളെ ടീമിലെത്തിക്കാനുള്ള ശ്രമത്തിലാണ്​ ബ്ലാസ്​റ്റേഴ്​സ്​.