വിജയം, വിനീതം

പുണെ: പ്രതീക്ഷകളൊന്നും തെറ്റിയില്ല. ചാരത്തിൽനി​ന്നുയർത്തെഴുന്നേറ്റ്​ മഞ്ഞപ്പടയുടെ ഉജ്വല തിരിച്ചുവരവ്​. ​െഎ.എസ്​.എല്ലിലെ നിർണായക എവേ മത്സരത്തിൽ പുണെയെ കേരള ബ്ലാസ്​റ്റേഴ്​സ്​ 2-1ന്​ തോൽപിച്ചു. വിവാദ റഫറി പ്രാഞ്​ജൽ ബാനർജി ഇക്കുറിയും അനാവശ്യ പെനാൽറ്റിയുമായി വില്ലൻവേഷമണിഞ്ഞെങ്കിലും  93ാം മിനിറ്റിൽ  സി.കെ. വിനീതി​​​​​െൻറ ഉഗ്രൻ ഷോട്ടിൽ ബ്ലാസ്​റ്റേി​​​​​െൻറ വിജയം പിറന്നു. ​ത്രസിപ്പിക്കുന്ന ജയത്തോടെ മഞ്ഞപ്പട വീണ്ടും പ്ലേഒാഫ്​ പ്രതീക്ഷ സജീവമാക്കി​. 58ാം മിനിററ്റിൽ ജാകിചന്ദും ​ഇഞ്ചുറി ടൈമിൽ വിനീതുമാണ്​ ബ്ലാസ്​റ്റേഴ്​സി​​​​​െൻറ രക്ഷകരായത്​.ആക്രമിച്ചു കളിക്കാനുറച്ചായിരുന്നു ഡേവിഡ്​ ജെയിംസ്​ പുണെയുടെ കളത്തിലെത്തിയത്​. വിസിൽ കേട്ടപാടെ ഇയാൻ ഹ്യൂമും സി.കെ. വിനീതും പുണെ ഗോൾമുഖത്ത്​ വട്ടമിട്ട്​ പറന്നു. വലതു വിങ്ങിൽ ജാകി ചന്ദി​​​​​െൻറ മുന്നേറ്റങ്ങളായിരുന്നു പുണെയെ പരീക്ഷിച്ചുകൊണ്ടിരുന്നത്​. 

അഞ്ചാം മിനിറ്റിൽതന്നെ പുണെ ഗോളിയുടെ പിഴവിൽ ബ്ലാസ്​റ്റേഴ്​സിന്​ അപ്രതീക്ഷിത അവസരമെത്തി. പന്ത്​ അടിച്ചൊഴിവാക്കാനുള്ള പുണെ ഗോളി വിശാൽ കെയ്​ത്തി​​​​​െൻറ ശ്രമം പാളിയപ്പോൾ, മുന്നിലുണ്ടായിരുന്ന ഇയാൻ ഹ്യൂമി​​​​​െൻറ കാലിൽ പന്തെത്തി. കണക്​ട്​ ചെയ്യാനുള ഹ്യൂമി​​​​​െൻറ ശ്രമം  വിഫലമാവുകയായിരുന്നു. 24ാം മിനിറ്റിൽ ജാകിചന്ദ്​ നീട്ടിനൽകിയ പന്തിന്​ ഹ്യൂം ചാടിയുയർന്ന്​ തലവെച്ചത്​ പുറത്തേക്കു നീങ്ങി. എന്നാൽ, പുണെ പതുക്കെ കളി പിടിച്ചെടുത്തു. മാ​ഴ്​സലീന്യോയും എമിലിയാനോ അൽഫാരോയും ചേർന്നായിരുന്നു പടനയിച്ചത്​. രണ്ടിലധികം തവണ ബ്ലാസ​്​റ്റേഴ്​സി​​​​​െൻറ വലകുലു​േങ്ങണ്ടതായിരുന്നു. ആദ്യപകുതി അവസാനിക്കാൻ മിനിറ്റുകൾ ശേഷിക്കെ ഹ്യൂ പരിക്കേറ്റ്​ മടങ്ങിയത്​ ബ്ലാസ്​റ്റേഴ്​സിന്​ തിരിച്ചടിയായി  

കളിമാറി രണ്ടാം പകുതി
പുണെയുടെ കണ്ണഞ്ചിപ്പിക്കും മുന്നേറ്റത്തോടെയാണ്​ രണ്ടാം പകുതി തുടങ്ങിയത്. എട്ടു മിനിറ്റിനിടെതന്നെ നാല്​ അവസരങ്ങൾ. 53ാം മിനിറ്റിൽ മാഴ്​സലീന്യോയുടെ ഉഗ്രൻ ഷോട്ട്​ പോസ്​റ്റിൽ തട്ടിത്തെറിച്ചത്​ ബ്ലാസ്​റ്റേഴ്​സി​​​​​െൻറ ഭാഗ്യം കൊണ്ടായിരുന്നു. 58ാം മിനിറ്റിലായിരുന്നു ബ്ലാസ്​റ്റേഴ്​സ്​ ​ആരാധകർ കാത്തിരുന്ന ഗോളെത്തുന്നത്​. പുതുതായി കളത്തിലെത്തിയ ഗുഡ്​യോൺ ബാൾവിൻസൺ നൽകിയ പാസ്​ സ്വീകരിച്ച്​ ജാകിചന്ദ്​ സിങ്​​ ബോക്​സിനു പുറത്തുനിന്നുതിർത്ത ഷോട്ട്​ വളഞ്ഞ്​പുളഞ്ഞ്​ വലയിലേക്ക്​ ​കയറു​േമ്പാൾ പുണെ ഗോളിക്ക്​ നോക്കി നിൽക്കാനേ കഴിഞ്ഞുള്ളൂ. എന്നാൽ, ബ്ലാസ്​റ്റേഴ്​സി​​​​​െൻറ ആഹ്ലാദം 78ാം മിനിറ്റിൽ അടങ്ങി. അൽഫാരോയെ വീഴ്​ത്തിയതിന്​ ലഭിച്ച പെനാൽറ്റിയിൽ പുണെ സമനില പിടിച്ചു.
 

അനവസരത്തിൽ റഫറി നൽകിയ പെനാൽറ്റിക്ക്​ ബ്ലാസ്​റ്റേഴ്​സ്​ താരങ്ങൾ തർക്കിച്ചുനോക്കിയെങ്കിലും കാര്യമുണ്ടായില്ല. എന്നാൽ, മഞ്ഞപ്പട തോൽക്കാൻ ഒരുക്കമല്ലായിരുന്നു. പുണെയോടും ഒപ്പം റഫറിയോടും വാശിതീർക്കാൻ ബ്ലാസ്​റ്റേഴ്​സ്​ നിറഞ്ഞുകളിച്ചു. ഒടുവിൽ, മലയാളികളുടെ മഞ്ഞപ്പടയെ കാക്കാൻ സി.കെ. വിനീതെത്തി. 93ാം മിനിറ്റിൽ പെക്കൂസൻ നൽകിയ പാസ്​ ബോക്​സിനു തൊട്ടുമുന്നിൽനിന്ന്​ നെഞ്ചിലെടുത്ത്​ വിനീത്​ പറപ്പിച്ച ഇടങ്കാലൻ വോളി നെടുകെ ചാടിയ ഗോളിയെയും കടന്ന്​ പുണെ വലതുളച്ചു​ കയറി. ബ്ലാസ്​റ്റേഴ്​സ്​ കാത്തിരുന്ന ഗോൾ. 20 പോയൻറുമായി ഇതോടെ കേരള ബ്ലാസ്​റ്റേഴ്​സ്​ അഞ്ചാം സ്​ഥാനത്തെത്തി.