മഞ്ഞക്കടലിൽ മുങ്ങുമോ നീലപ്പട; ബംഗളൂരുവിലെ പൂരം പൊടിപാറും
text_fieldsബംഗളൂരു: ഇന്ത്യൻ സൂപ്പർ ലീഗിെൻറ നാലാം സീസണിലെ ആദ്യ മത്സരത്തിന് വെള്ളിയാഴ്ച കൊച്ചിയിൽ വിസിൽ മുഴങ്ങുംമുേമ്പ ബംഗളൂരുവിലെ ആരാധകരുടെ നോട്ടം അവസാന മത്സരത്തിലേക്കാണ്. മൂന്നര മാസത്തിന് ശേഷം നടക്കാനിരിക്കുന്ന കേരള ബ്ലാസ്റ്റേഴ്സും ബംഗളൂരു എഫ്.സിയും തമ്മിലെ മത്സരമാണ് ഇരുടീമുകളുടെയും ആരാധകർക്കിടയിലെ ഇപ്പോഴത്തെ ചർച്ചാവിഷയം. 2018 മാർച്ച് ഒന്നിനാണ് ബംഗളൂരു എഫ്.സിയുടെ അവസാന ഹോംമാച്ചിൽ ശ്രീ കണ്ഠീരവ സ്റ്റേഡിയത്തിൽ ഇരു ടീമുകളും ഏറ്റുമുട്ടുക. മത്സരം മാർച്ചിലാെണങ്കിലും സോഷ്യൽ മീഡിയയിൽ ആരാധകർ തമ്മിലെ പോർവിളി നേരത്തേ തുടങ്ങിക്കഴിഞ്ഞു.
കണ്ഠീരവ മഞ്ഞ പുതക്കും
ബംഗളൂരു എഫ്.സിയും ബ്ലാസ്റ്റേഴ്സും തമ്മിലെ ആരാധക യുദ്ധത്തിന് പല കാരണങ്ങളുണ്ട്. ആദ്യമായി െഎ.എസ്.എല്ലിലെത്തിയ ബംഗളൂരു എ.എഫ്.സിയുടെ ഹോം ഗ്രൗണ്ടായ കണ്ഠീരവ സ്റ്റേഡിയത്തെ മഞ്ഞ പുതപ്പിച്ച് മിനികൊച്ചിയാക്കാനുള്ള ബ്ലാസ്റ്റേഴ്സ് ആരാധകരായ ‘മഞ്ഞപ്പട’യുടെ ശ്രമം വെസ്റ്റ് ബ്ലോക്ക് ബ്ലൂസ് എന്നറിയപ്പെടുന്ന ബംഗളൂരുവിെൻറ ആരാധകക്കൂട്ടത്തെ കുറച്ചൊന്നുമല്ല വിറളി പിടിപ്പിച്ചത്. ഒാൺൈലനിൽ ടിക്കറ്റ് വിൽപന തുടങ്ങിയ നിമിഷം മുതൽ കൂട്ടമായി ടിക്കറ്റ് ബുക്ക് ചെയ്താണ് മഞ്ഞപ്പട കണ്ഠീരവ സ്റ്റേഡിയം മഞ്ഞക്കടലാക്കാൻ ശ്രമം തുടങ്ങിയത്. ഇൗസ്റ്റ് അപ്പർ (പ്യൂമ സ്റ്റാൻഡ്) ഗാലറിയിൽനിന്നായിരുന്നു തുടക്കം. ഇൗ ഗാലറിയിൽ പകുതിയോളം ടിക്കറ്റ് ദിവസങ്ങൾക്കകം മഞ്ഞപ്പട ബുക്ക് ചെയ്തതോടെ ബംഗളൂരു എഫ്.സി മാനേജ്മെൻറിന് അപകടം മണത്തു. ഉടൻ ബാക്കിയുള്ള പ്യൂമ സ്റ്റാൻഡ് ടിക്കറ്റുകൾ ബ്ലോക്ക് ചെയ്തു. തൊട്ടുതാഴെയുള്ള ഇൗസ്റ്റ് ലോവർ ഗാലറിയിലെയും ടിക്കറ്റ് തടഞ്ഞുവെച്ചു. ഇതോടെ, പ്യൂമ സ്റ്റാൻഡിനോട് ചേർന്നുള്ള നോർത് അപ്പറിലേക്കായി (കിങ് ഫിഷർ സ്റ്റാൻഡ്) മഞ്ഞപ്പടയുടെ നോട്ടം. ഒന്നിച്ച് ആരവം മുഴക്കാൻ ഇൗ ഗാലറിയിൽ പരമാവധി ടിക്കറ്റുകൾ വാങ്ങിക്കൂട്ടുകയാണ് ബ്ലാസ്റ്റേഴ്സ് ആരാധകർ. ഇൗ ഗാലറിയിലെ ടിക്കറ്റും ബ്ലോക്ക് ചെയ്താൽ ബംഗളൂരു എഫ്.സിയുടെ സ്വന്തം ഗാലറിയായ വെസ്റ്റ് ബ്ലോക്കിലും മഞ്ഞത്തിരയിളക്കം സൃഷ്ടിക്കുമെന്നാണ് ആരാധകരുടെ മുന്നറിയിപ്പ്. നീലപ്പട ആരാധകരുടെ കേന്ദ്രമായ വെസ്റ്റ് ബ്ലോക്കിൽ ടിക്കറ്റ് ലഭ്യമാണ്. പ്യൂമയിലാകെട്ട 2500 രൂപയുടെ സീസൺ ടിക്കറ്റ് മാത്രമാണ് നൽകുന്നത്. ആരാധകർ ഒരുമിക്കാതിരിക്കാൻ ടിക്കറ്റ് ബ്ലോക്ക് ചെയ്യുന്ന ബംഗളൂരു മാനേജ്മെൻറിെൻറ നടപടി സ്പോർട്സ്മാൻ സ്പിരിറ്റിന് ചേർന്നതല്ലെന്ന് മഞ്ഞപ്പട കുറ്റപ്പെടുത്തുന്നു.
അതേസമയം, കണ്ഠീരവയിലെ ഏറ്റവും വലിയ ഗാലറി കൂടിയായ വെസ്റ്റ് ബ്ലോക്കിൽ മാർച്ച് ഒന്നിലെ പോരാട്ടത്തിെൻറ ടിക്കറ്റുകൾ അധികം വിറ്റുപോയിട്ടില്ല. മഞ്ഞപ്പട പോലെ തന്നെ ഇന്ത്യയിലെ അറിയപ്പെടുന്ന ആരാധകക്കൂട്ടമാണ് വെസ്റ്റ് ബ്ലോക്ക് ബ്ലൂസ്. എന്നാൽ, ഇവരിൽ ഏറിയ പങ്കും മലയാളികളുമുണ്ടായിരുന്നു എന്നതാണ് സത്യം. ദേശീയ ലീഗിലും എ.എഫ്.സി കപ്പിലും ഛേത്രിക്കും കൂട്ടർക്കും കൈയടിച്ച മലയാളി ആരാധകർ ബംഗളൂരു െഎ.എസ്.എല്ലിലേക്ക് വന്നപ്പോൾ ബ്ലാസ്റ്റേഴ്സിനെ ൈകവിട്ടില്ല. ഇേതാടെ, പടിഞ്ഞാറൻ ഗാലറി നിറക്കാൻ െഎ.പി.എല്ലിൽ ബംഗളൂരുവിെൻറ ടീമായ റോയൽ ചലഞ്ചേഴ്സിെൻറ ക്രിക്കറ്റ് ഫാൻസിനെകൂടിയെത്തിക്കാനാണ് ശ്രമമെന്നറിയുന്നു.
ചങ്കാണ് വിനീതും റിനോയും; വേദനിപ്പിച്ചവർക്ക് മാപ്പില്ല
സുനിൽ േഛത്രിക്കൊപ്പം ബംഗളൂരു എഫ്.സിയുടെ ആക്രമണത്തിെൻറ കുന്തമുനയായിരുന്ന സി.കെ. വിനീതും പ്രതിരോധ മതിലായിരുന്ന റിനോ ആേൻറായും ഇപ്പോൾ ബ്ലാസ്റ്റേഴ്സിനൊപ്പമാണെന്നത് നീലപ്പടയുടെ ആരാധകരെ ചൊടിപ്പിച്ചിട്ടുണ്ട്. ട്രാൻസ്ഫർ തീരുമാനത്തിനുശേഷം ബംഗളൂരുവിലെ ക്ലബിലെത്തിയ തങ്ങളോട് പരസ്യമായി ആരാധകർ പ്രതിഷേധം പ്രകടിപ്പിച്ചത് വേദനിപ്പിച്ചതായി സി.കെ. വിനീതും വെളിപ്പെടുത്തിയിരുന്നു. ഇതിനുള്ള മറുപടി ബംഗളൂരുവിെൻറ മണ്ണിൽത്തന്നെ നൽകണമെന്നാണ് മഞ്ഞപ്പട ആരാധകരുടെ ആഗ്രഹം. ആ വിജയഗോൾ വിനീതിെൻറ ബൂട്ടിൽനിന്നുതന്നെ പിറക്കെട്ട എന്നും അവർ പ്രാർഥിക്കുന്നു. കേരള ബ്ലാസ്റ്റേഴ്സും ബംഗളൂരു എഫ്.സിയും തമ്മിലെ ആദ്യ മത്സരം ഡിസംബർ 31ന് കൊച്ചിയിലാണ്. കൊച്ചിയിലെ മഞ്ഞക്കടലിൽ വെസ്റ്റ് ബ്ലോക്ക് ബ്ലൂസിന് പ്രത്യേകിച്ചൊന്നും ചെയ്യാനാവില്ലെന്നും കണ്ഠീരവ കൂടി മഞ്ഞ പുതപ്പിച്ച് ബംഗളൂരുവിനെ ഞെട്ടിക്കുകയാണ് തങ്ങളുടെ ലക്ഷ്യമെന്നും മഞ്ഞപ്പട ഫാൻസ് ബംഗളൂരു വിങ് അംഗങ്ങൾ പറഞ്ഞു. കഴിഞ്ഞ സീസണിൽ ചെന്നൈ മറീന അറീന സ്റ്റേഡിയം മഞ്ഞക്കടലാക്കിയത് ബ്ലാസ്റ്റേഴ്സിെൻറ ട്രാവലിങ് ഫാൻസ് ആണ്. ഇത്തവണ ബ്ലാസ്റ്റേഴ്സിെൻറ മത്സരങ്ങൾ അരങ്ങേറുേമ്പാൾ ചെന്നൈക്കൊപ്പം ബംഗളൂരുവും മഞ്ഞപുതപ്പിക്കുമെന്നാണ് ആരാധകരുടെ വാഗ്ദാനം. ഇതിെൻറ ട്രോളുകളും സോഷ്യൽ മീഡിയയിൽ ഹിറ്റാണ്.
ആദ്യ പോരിൽ മഞ്ഞപ്പടക്ക് ജയം
കളി തുടങ്ങുംമുേമ്പ വെസ്റ്റ് ബ്ലോക്ക് ബ്ലൂസിെൻറ നെഞ്ചിൽ ചവിട്ടിയാണ് മഞ്ഞപ്പട ഫാൻസിെൻറ വരവ്. കായികരംഗത്ത് ഇന്ത്യയിലെ ഇൗ വർഷത്തെ മികച്ച ആരാധകക്കൂട്ടത്തെ കണ്ടെത്താനായി വിരാട് കോഹ്ലി ഫൗണ്ടേഷൻ സംഘടിപ്പിച്ച ഒാൺൈലൻ വോെട്ടടുപ്പിൽ ഒന്നാമതെത്തിയത് ബ്ലാസ്റ്റേഴ്സിെൻറ ആരാധകരായ മഞ്ഞപ്പടയായിരുന്നു. അവർ മറികടന്നതാകെട്ട ബംഗളൂരു എഫ്.സിയുടെ വെസ്റ്റ് ബ്ലോക്ക് ബ്ലൂസ്, െഎ.പി.എൽ ടീമായ ബംഗളൂരു റോയൽ ചലഞ്ചേഴ്സിെൻറ നമ്മ ടീം ആർ.സി.ബി, ഇന്ത്യൻ ക്രിക്കറ്റ് ടീമിെൻറ ആരാധകരായ ഭാരത് ആർമി എന്നിവയെയാണ് മഞ്ഞപ്പട പിന്നിലാക്കിയത്.
എ.എഫ്.സി കപ്പിെൻറ ഫൈനലിൽ പ്രവേശിച്ച ആദ്യ ഇന്ത്യൻ ടീമായ ബംഗളൂരു എഫ്.സി ചില്ലറ ടീമെല്ലന്ന് ബ്ലാസ്റ്റേഴ്സ് ആരാധകർക്കുമറിയാം. അതുകൊണ്ടാണ് െഎ.എസ്.എൽ ഫൈനലിൽ രണ്ടു തവണ തങ്ങളെ മുട്ടുകുത്തിച്ച കൊൽക്കത്തയെക്കാളും ബ്ലാസ്റ്റേഴ്സിെൻറ എതിരാളികളായി ബംഗളൂരുവിനെ ആരാധകർ കാണുന്നത്. കൊമ്പന് കൊമ്പനെ തന്നെ പോരിന് കിട്ടുേമ്പാൾ കളി പൊടിപാറുമെന്ന് തീർച്ച.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.