കൗണ്ടറുകൾ വഴി ടിക്കറ്റ്​ വിൽപന ഇല്ല

കൊച്ചി: കലൂർ ജവഹർലാൽ നെഹ്റു ഇൻറർനാഷനൽ സ്​റ്റേഡിയത്തിൽ വെള്ളിയാഴ്​ച അരങ്ങേറുന്ന ​െഎ.എസ്​.എൽ പ്രഥമ മത്സരത്തിന് കൗണ്ടറുകൾ വഴി ടിക്കറ്റ്​ വിൽപന ഉണ്ടാകില്ലെന്ന്​​ ബ്ലാസ്​റ്റേഴ്സ് ഫുട്​ബാൾ ക്ലബ്​. കളി കാണാനെത്തുന്ന ഫുട്​ബാൾ പ്രേമികൾ ഗതാഗതക്കുരുക്ക്​ ഒഴിവാക്കാനായി സ്​റ്റേഡിയത്തിലേക്കെത്താൻ പൊതുഗതാഗത സംവിധാനവും മെട്രോയും പരമാവധി വിനിയോഗിക്കണം. രാജ്യത്തി​​െൻറ വിവിധ ഭാഗങ്ങളിൽനിന്ന്​ മത്സരം കാണാനെത്തുന്ന ഉന്നത വ്യക്തികൾ, സെലിബ്രിറ്റികൾ, വിവിധ സർക്കാർ വകുപ്പുകൾ എന്നിവയുടെ വാഹനങ്ങൾ സ്​റ്റേഡിയത്തിലെ പാർക്കിങ് വിനിയോഗിക്കും എന്നതിനാൽ മറ്റുള്ളവരുടെ പാർക്കിങ്ങിന് ബുദ്ധിമുട്ടുണ്ടാകാതിരിക്കാനാണിതെന്നും ടീം അഭ്യർഥിച്ചു.