ഛേത്രി നയിച്ചു; ഇൻറർകോണ്ടിനൻറൽ കപ്പ്​ ഇന്ത്യക്ക്​

മുംബൈ: അന്ദേരിയിലെ ഫുട്​ബോൾ അറീന മൈതാനത്തിലേക്ക്​ ഇന്ത്യൻ ടീമിന്​ കരുത്തുപകരാൻ ആരാധകരെ ക്ഷണിച്ചുവരുത്തിയ ഛേത്രി വാക്കുപാലിച്ചു. ഗാലറിയിൽ തിങ്ങിനിറഞ്ഞ ആരാധകരെ പുളകം കൊള്ളിക്കുന്ന പ്രകടനവുമായി പ്രഥമ ഇൻറർകോണ്ടിനൻറൽ കപ്പടിച്ച്​ ഇന്ത്യ. ആഫ്രിക്കൻ കരുത്തരായ കെനിയയെ എതിരില്ലാത്ത രണ്ട്​ ഗോളുകൾക്ക്​ തകർത്തപ്പോൾ ഇരുഗോളുകളും പിറന്നത്​ നായകൻ ഛേത്രിയുടെ കാലിൽ നിന്ന്​ തന്നെ.

കെനിയൻ ആക്രമണങ്ങളെ തടുത്ത്​ പ്രതിരോധക്കോട്ട കാത്ത അനസ് എടത്തൊടികയും സന്ദേശ് ജിങ്കനും കൂടെ ഉദാന്ത സിംഗും അനിരുഥ് ഥാപ്പയുമൊക്കെ കളം നിറഞ്ഞപ്പോൾ വിജയം നീലപ്പടയുടെ കൂടെയായി. കൈക്കരുത്തി​​​​​െൻറ പിൻബലത്തിലായിരുന്നു കെനിയ. എന്നാൽ തന്ത്രപൂർവ്വം കളിച്ച ഇന്ത്യയുടെ മുന്നിൽ കെനിയൻ കരുത്ത്​ ചോർന്ന്​ പോവുകയായിരുന്നു.

ക​ളി​യു​ടെ എ​ട്ടാം മി​നി​റ്റി​ൽ അ​നി​രു​ദ്ധ ഥാ​പ്പ ബോ​ക്​​സി​ന്​ വെ​ളി​യി​ൽ​നി​ന്ന്​ ഉ​യ​ർ​ത്തി ന​ൽ​കി​യ ഇ​ൻ​ഡ​യ​റ​ക്​​ട്​ ഫ്രീ​കി​ക്ക്​ നാ​യ​ക​ൻ അ​നാ​യാ​സം വ​ല​യി​ലാ​ക്കി. ക​ളി​മു​റു​കും മു​േ​മ്പ പി​റ​ന്ന ഗോ​ളി​ലൂ​ടെ ലീ​ഡ്​ പി​ടി​ച്ച ഇ​ന്ത്യ​ക്ക്​ ആ​ത്മ​വി​ശ്വാ​സ​മേ​റി. ഛേത്രി​യും ജെ​ജെ​യും ന​യി​ച്ച ആ​ക്ര​മ​ണ​ത്തി​ൽ വി​റ​ച്ച കെ​നി​യ​ൻ വ​ല​യി​ലേ​ക്ക്​ 29ാം മി​നി​റ്റി​ൽ അ​ടു​ത്ത ഗോ​ളും പി​റ​ന്നു. മ​ധ്യ​വ​ര​ക്ക​രി​കെ​നി​ന്ന്​ മ​ല​യാ​ളി താ​രം അ​ന​സ്​ എ​ട​ത്തൊ​ടി​ക ന​ൽ​കി​യ ലോ​ങ്​​​ബാ​ൾ ക്രോ​സ്​ പി​ടി​ച്ചെ​ടു​ത്ത ഛേത്രി ​ഒാ​ടി​യ​ടു​ക്കു​േ​മ്പാ​ൾ കെ​നി​യ​​ക്കാ​രെ​ല്ലാം പി​ന്നി​ൽ. മ​നോ​ഹ​ര​മാ​യ ഇ​ട​ങ്കാ​ല​ൻ ട​ച്ചി​ൽ വ​ല​യു​ടെ മേ​ൽ​ക്കൂ​ര​യി​ൽ ഛേത്രി​യു​ടെ ര​ണ്ടാം ഗോ​ൾ. 

രണ്ട്​ ഗോൾ പിറകിലായ കെനിയ രണ്ടാം പകുതിയില്‍ ഉൗർജ്ജിതമായ കളിയാണ്​ പുറത്തെടുത്തത്​. അടിക്കടി മുന്നേറ്റങ്ങള്‍ നടത്തി ഞെട്ടിച്ചെങ്കിലും ഗുര്‍പ്രീത് സിംഗും സംഘവും വിട്ടുകൊടുക്കാതെ നിന്നു. കോര്‍ണറുകള്‍ കൊണ്ട്​ ചാകരയായിരുന്ന രണ്ടാംപകുതിയില്‍ ഇന്ത്യന്‍ നിരയാണ്​ കൂടുതൽ മികച്ച്​ കളിച്ചത്​. അനസും ജിംഗനും ആണ്​ കെനിയൻ ശ്രമങ്ങൾക്ക്​ വിലങ്ങുതടിയായത്​.