ഐ ലീഗ്: കൊല്‍ക്കത്ത നാട്ടങ്കം സമനിലയില്‍

ന്യൂഡല്‍ഹി: ഐ ലീഗിലെ ആവേശപ്പോരാട്ടമെന്ന് വിശേഷിപ്പിച്ച് ആരാധകര്‍ കാത്തിരുന്ന കൊല്‍ക്കത്ത ഡര്‍ബിക്ക് ഗോള്‍രഹിത സമനില. പോയന്‍റ് പട്ടികയിലെ ഒന്നും രണ്ടും സ്ഥാനക്കാരായ ഈസ്റ്റ് ബംഗാളും മോഹല്‍ ബഗാനും നേര്‍ക്കുനേര്‍ ഏറ്റുമുട്ടിയപ്പോള്‍ ഇരു ടീമിന്‍െറയും മുന്നേറ്റക്കാര്‍ ഒരു ഗോള്‍ പോലും നേടാതെ സമനിലയില്‍ പിരിയേണ്ടിവന്നു. സമനിലയോടെ 20 പോയന്‍റുമായി ഈസ്റ്റ് ബംഗാള്‍ ഒന്നാമതും 17 പോയന്‍റുമായി ബഗാന്‍ രണ്ടാമതുമാണ്.