ഐ ലീഗ്: ബംഗളൂരുവിന് വിജയത്തുടക്കം

ബംഗളൂരു: ചാമ്പ്യന്മാര്‍ക്കൊത്ത ജയവുമായി ഐ ലീഗ് സീസണില്‍ ബംഗളൂരു എഫ്.സിയുടെ കുതിപ്പിന് തുടക്കം. ഉദ്ഘാടന ദിനത്തില്‍ ഷില്ളോങ് ലജോങ്ങിനെ 3-0ത്തിനാണ് തോല്‍പിച്ചത്. മറ്റൊരു മത്സരത്തില്‍ ഈസ്റ്റ് ബംഗാളിനെ ഐസോള്‍ എഫ്.സി 1-1ന് സമനിലയില്‍ തളച്ചു. 20കാരനായ ഉദാന്ത സിങ് ഇരട്ട ഗോളടിച്ചപ്പോള്‍ ലാല്‍മാഗ്സാങ്ക റാല്‍തെ ഒരു ഗോളടിച്ചു. ഐസോളിനെതിരെ 90ാം മിനിറ്റിലായിരുന്നു ഈസ്റ്റ് ബംഗാളിന്‍െറ സമനില പിറന്നത്.