ഈ കളി​ കാൽ എടുത്ത ഇസ്​റായേലിനോടുള്ള പ്രതിഷേധം; ഗസയിൽ ‘ഊന്നു വടി’ ഫുട്​ബാൾ വീണ്ടും സജീവം

ഗസ: തോറ്റിട്ടില്ലെന്ന്​ ഇസ്​റായേലിനോട്​ വിളിച്ചു പറയുന്ന ഒരു സംഘമാണിത്​. കോവിഡ്​-19 ലോക്​ഡൗണിൽ ഇളവ്​​ ലഭിച്ചപ്പോൾ, ​കൊച്ചു ഗസ തുരുത്തിൽ ആദ്യം തിരി​ച്ചെത്തിയ കായിക ഇനം ഫുട്​ബാളായിരുന്നു. ടർഫ്​ മൈതാനത്തിൽ ഉൻമേഷപൂർവം ബൂട്ടണിഞ്ഞ്​ പരിശീലനം നടത്തുന്ന യുവ സംഘത്തി​െ ൻറ ചിത്രം ലോകശ്രദ്ധയിൽ പതിയാൻ മറ്റൊരു കാരണമുണ്ടായിരുന്നു. അണിനിരന്ന താരങ്ങൾ എല്ലാവരും ഒരു കാൽ നഷ്​ടപെട്ടവർ. കൈ നഷ്​ടപ്പെട്ടവരും അക്കൂട്ടത്തിലുണ്ടായിരുന്നു. പക്ഷേ, ഭിന്ന ശേഷി ടീമി​െ ൻറ മത്സരവുമായിരുന്നില്ല. ഇസ്രായേലി​െ ൻറ കൊടും ക്രൂരതക്ക്​ ഇരയായി അവയവങ്ങൾ നഷ്​ടപ്പെട്ടവരായിരുന്നു ഇത്​. 2008നു ശേഷം ഹമാസിനെതിരെ ഇസ്​റായേൽ നടത്തിയ ആക്രമണത്തി​​െ ൻറ ഇരകളാണ്​ ഇവരിൽ അധികവും. 

‘‘കോവിഡ്​ നിയന്ത്രണങ്ങൾക്കു ശേഷം ഞങ്ങൾ തിരിച്ചെത്തുകയാണ്​. അംഗപരിമിതരുടെ ലീഗിൽ ഇത്തവണ മികച്ച പ്രകടനം നടത്താനാണ്​ ലക്ഷ്യമിടുന്നത്​’’ ടീമിനി​നെ പരിശീലിപ്പിക്കുന്ന മീം അൽയാസ്​ജി പറഞ്ഞു. 

80 ഓളം അംഗപരിമിതർ സ്​പെഷ്യൽ ഫുട്​ബാൾ ലീഗിൽ കളിക്കുന്നുണ്ട്​. ഇവരിൽ ഭൂരിഭാഗം പേർക്കും ബോംബാക്രമണത്തിൽ ​കാൽ നഷ്​ടപെട്ടവരാണെന്ന്​ അംഗ പരിമിത ഫുട്​ബാൾ അസോസിയേഷൻ വക്​താവ്​ പറഞ്ഞു. 

‘‘ വലിയൊരു ഫുട്​ബാൾ താരമാവണമെന്നായിരുന്നു എ​െ ൻറ സ്വപ്​നം. എന്നാൽ 2014 ഇസ്​റായേൽ നടത്തിയ മിസൈൽ ആക്രണം സ്വപ്​നം തകർത്തു. വീട്ടിലേക്കു പതിച്ച ഒരു മിസൈൽ ഒരു കാൽ കവർന്നു. എന്നാൽ അംഗപരിമിത ഫുട്​ബാൾ ലീഗ്​ ഫുട്​ബാൾ സ്വപ്​നങ്ങൾക്ക്​ ചിറകു മുളപ്പിച്ചു. ഇതിൽ നിന്ന്​ ലഭിക്കുന്ന സന്തോഷം പറഞ്ഞറിയിക്കാൻ പറ്റാത്തതാണ്-​ 15 കാരൻ വഹീം അൽ അസ്​ദൽ പറഞ്ഞു. 

അന്താരാഷ്​ട്ര സംഘടനയായ റെഡ്​ ക്രോസുമായി സഹകരിച്ചാണ്​ ഗസയിൽ ലീഗ്​ നടത്തപ്പെടുന്നത്​. ജഴ്​സി, ഷൂ, ക്രച്ചസ്​ എന്നിവയും റെഡ്​ ക്രോസ്​ നൽകുന്നു. വനിത ലീഗും ഗസയിൽ വിജയകരമായി നടക്കുന്നു​.

ഇസ്​റായീലി​െ ൻറയും ഈജിപ്​തി​െ ൻറയും അതിർത്തികളാൽ കൊട്ടിയടക്കപ്പെട്ട ഗസയിൽ 72 കൊറോണ കേസുകൾ റിപ്പോർട്ട്​ ചെയ്യപ്പെട്ടിട്ടുണ്ട്​. ഒരാളാണ്​ ഇതുവരെ രോഗം ബാധിച്ച്​ മരിച്ചത്​. സ്​പോർട്​സ്​ ക്ലബ്​, ജിം, പള്ളികൾ, റസ്​​റ്റോറൻറ്​ എന്നിവക്ക്​ കഴിഞ്ഞ ദിവസമാണ്​ ഗസ ആരോഗ്യ വിഭാഗം അനുമതി നൽകിയത്​.