ഖത്തറിന് ലോകകപ്പ്​ വേദി​; മിഷേൽ പ്ലാറ്റിനി അറസ്​റ്റിൽ

18:05 PM
18/06/2019
Michel-Platini

പാരീസ്​: 2022 ലോകകപ്പ്​ ഫുട്​ബോൾ വേദിയായി ഖത്തറിനെ തെരഞ്ഞെടുത്തതുമായി ബന്ധപ്പെട്ട്​ മുൻ യുവേഫ പ്രസിഡൻറും ഫ്രഞ്ച്​ ഫുട്​ബോൾ ഇതിഹാസവുമായിരുന്ന മിഷേൽ പ്ലാറ്റിനി​ അറസ്​റ്റിൽ. 

ഖത്തറിന്​ വേദി അനുവദിച്ചതിൽ വൻ സാമ്പത്തിക ക്രമക്കേട്​ ആരോപിച്ചാണ്​ അറസ്​റ്റ്​. ഖത്തറിന്​ അവസരം ലഭിക്കുന്നതിന്​ ഫിഫ എക്​സിക്യുട്ടീവ്​ യോഗത്തിൽ സമ്മർദ്ദം ചെലുത്തിയെന്നാണ് പ്ലാറ്റിനിക്കെതിരായ​​ ആരോപണം. 

യു.എസ്​.എ, ആസ്​ത്രേലിയ, സൗത്ത്​ കൊറിയ, ജപ്പാൻ എന്നീ രാജ്യങ്ങളുടെ ശ്രമങ്ങളെ പിന്തള്ളിയാണ്​ ഖത്തർ ലോകകപ്പ്​ വേദി സ്വന്തമാക്കിയത്​. 2018ലെ ലോകകപ്പ്​ വേദി സംബന്ധിച്ചും അന്വേഷണം നടക്കുന്നുണ്ട്​. സംഭവവുമായി ബന്ധപ്പെട്ട്​ 2017ലെ ഫിഫ ഗവേണിങ്​ ബോഡി അധ്യക്ഷനായിരുന്ന സെപ്പ്​ ബ്ലാറ്ററിൽ നിന്ന്​ അന്വേഷണ സംഘം മൊഴിയെടുത്തിരുന്നു. 

Loading...
COMMENTS