കോവിഡ്​ ബാധിതനായ മുൻ റയൽ പ്രസിഡൻറ്​ അന്തരിച്ചു

മാഡ്രിഡ്​: കോവിഡ്​ 19​​െൻറ ഇരയായി റയൽ മഡ്രിഡ്​ മുൻ പ്രസിഡൻറ്​ ലോറൻസോ സാൻസ്​. 1995 മുതൽ 2000 വരെ റയൽ മഡ്രിഡിനെ നയിച്ച കരുത്തനായ അധ്യക്ഷനാണ്​ കോവിഡ്​ ബാധിച്ച്​ ശനിയാഴ്​ച മരിച്ചത്​. കോവിഡിൽ കായിക ലോകത്തിനേൽക്കുന്ന ഏറ്റവും വലിയ ആഘാതമാണ്​ ലോറൻസോ സാൻസി​​െൻറ മരണം. 76 വയസ്സായിരുന്നു. കോവിഡ്​ ബാധിതനായി ഒരാഴ്​ചയിലേറെയായി ചികിത്സയിലായിരുന്നു സാൻസ്​.

റോബർ​ട്ടോ കാർലോസ്​, ക്ലാരൻസ്​ സീഡോഫ്​, ഡാവർ സൂകർ തുടങ്ങിയ സൂപ്പർതാരങ്ങളെ റയലിൽ എത്തിച്ച പ്രസിഡൻറ്​ കൂടിയായിരുന്നു സാൻസ്​. 1985 മുതൽ 1995 വരെ റയൽ മഡ്രിഡ്​ ​ഡയറക്​ടറായിരുന്ന സാൻസ്​, റാമൺ മെൻഡോസയുടെ രാജിക്കു പിന്നാലെയാണ്​ പ്രസിഡൻറ്​ പദവിയിലെത്തിയത്​. സൂകറെയും, മുൻ സെർബിയൻ താരമായ പ്രിഡ്രാഗ്​ മിയറ്റോവിചിനെയും സ്വന്തം കാശ്​മുടക്കിയാണ്​ സാൻസ്​ റയലിലെത്തിച്ചത്​. ആ നിർണായക നീക്കത്തിലൂടെ റയലിന്​ 32 വർഷത്തെ കാത്തിരിപ്പിനുശേഷം ചാമ്പ്യൻസ്​ ലീഗ്​ കിരീടം നേടാനായി (1997-98). 1966ലായിരുന്നു അതിന്​ മുമ്പ്​ റയൽ അവസാനമായി യൂറോപ്യൻ ചാമ്പ്യന്മാരായത്​.

സാൻസ്​ സ്​ഥാനമൊഴിയും മുമ്പ്​ ഒരിക്കൽ കൂടി (2000) ചാമ്പ്യൻസ്​ ലീഗിൽ മുത്തമിട്ടു. എന്നാൽ, അതേവർഷം നടന്ന തെരഞ്ഞെടുപ്പിൽ ​േഫ്ലാറൻറി
നോ പെരസിനോട്​ തോറ്റ്​ സ്​പാനിഷ്​ കോടീശ്വരൻ റയലി​​െൻറ പടിയിറങ്ങി. 2006ൽ വീണ്ടും മത്സരിച്ചുനോക്കിയെങ്കിലും തോറ്റുപിൻവാങ്ങി. തൊട്ടുപിന്നാലെ മറ്റൊരു സ്​പാനിഷ്​ ക്ലബ്​ മലാഗയെ സ്വന്തമാക്കിയാണ്​ അദ്ദേഹം ഫുട്​ബാളിൽ തുടർന്നത്​. 2010ൽ മലാഗയെ ഖത്തർ ഗ്രൂപ്പിന്​ വിറ്റു. മക്കളായ പാകോ സാൻസും ഫെർണാണ്ടോ സാൻസും ഫുട്​ബാൾ താരങ്ങളായിരുന്നു. ഫെർണാണ്ടോ റയലിനായി 35ഉം, മലാഗക്കായി 205ഉം മത്സരങ്ങൾ കളിച്ചു.