ലോകകപ്പ്​, ഏഷ്യകപ്പ്​ യോഗ്യത മത്സരങ്ങൾക്ക്​ കോവിഡ്​ ഭീതി; ഇന്ത്യ– ഖത്തർ ​മത്സരം സംശയത്തിൽ

സൂ​റി​ച്ച്​​: കോ​വി​ഡ്​-19 ഭീ​തി മൈ​താ​ന​ങ്ങ​ൾ കീ​ഴ​ട​ക്കി​യ​തോ​ടെ നീ​ട്ടി​വെ​ക്കു​ന്ന ക​ളി​ക​ളു​ടെ പ​ട് ടി​ക​യി​ൽ 2020 ലോ​ക​ക​പ്പ്, 2023 ഏ​ഷ്യ ക​പ്​ ​യോ​ഗ്യ​ത മ​ത്സ​ര​ങ്ങ​ളു​മെ​ന്ന്​ സൂ​ച​ന. സൂ​റി​ച്ചി​ൽ ചേ​ർ​ന്ന ഫി​ ഫ, എ.​എ​ഫ്.​സി ഉ​ന്ന​ത​ത​ല സ​മി​തി സം​യു​ക്​​ത യോ​ഗ​ത്തി​ലാ​ണ്​ നീ​ട്ടി​വെ​ക്കാ​ൻ നി​ർ​ദേ​ശം.

മാ​ർ​ച്ച് ​ 26ന്​ ​ഭു​വ​നേ​ശ്വ​റി​ലെ ക​ല്യാ​ൺ സ്​​റ്റേ​ഡി​യ​ത്തി​ലാ​ണ്​ ഇ​ന്ത്യ- ഖ​ത്ത​ർ ലോ​ക​ക​പ്പ്​ യോ​ഗ്യ​ത ര​ണ്ടാം​പാ​ദ മ​ത്സ​രം. ര​ണ്ടു തോ​ൽ​വി​ക​ളും മൂ​ന്നു സ​മ​നി​ല​യു​മാ​യി നേ​ര​ത്തേ പു​റ​ത്താ​യ ഇ​ന്ത്യ​ക്ക്​ ഖ​ത്ത​ർ അ​ങ്കം ക​ഴി​ഞ്ഞാ​ൽ, ബം​ഗ്ലാ​ദേ​ശ്, അ​ഫ്​​ഗാ​നി​സ്​​താ​ൻ ടീ​മു​ക​ളു​മാ​യും മ​ത്സ​ര​മു​ണ്ട്. എ​ല്ലാ ക​ളി​ക​ളെ​യും കോ​വി​ഡ്​ ‘പി​ടി​ക്കു​മോ’​യെ​ന്നാ​ണ്​​ കോ​ച്ച്​ സ്​​റ്റി​മാ​കും കു​ട്ടി​ക​ളും ഉ​റ്റു​നോ​ക്കു​ന്ന​ത്. ഖ​ത്ത​റി​നെ​തി​രാ​യ മ​ത്സ​ര​ത്തി​നു​ള്ള സാ​ധ്യ​ത ടീം ​ദി​വ​സ​ങ്ങ​ൾ​ക്കു​മു​മ്പ്​ പ്ര​ഖ്യാ​പി​ച്ചി​രു​ന്നു.

മ​ല​യാ​ളി താ​ര​ങ്ങ​ളാ​യ സ​ഹ​ൽ അ​ബ്​​ദു​സ്സ​മ​ദും ആ​ഷി​ഖ്​ കു​രു​ണി​യ​നും ടീ​മി​ൽ ഇ​ടം​പി​ടി​ച്ചി​ട്ടു​ണ്ട്. ലോ​ക​ക​പ്പ്​ യോ​ഗ്യ​ത​യി​ൽ ഒ​മാ​നോ​ട്​ തോ​റ്റ്​ തു​ട​ങ്ങി​യ ഇ​ന്ത്യ ഖ​ത്ത​റി​നെ സ​മ​നി​ല​യി​ൽ പി​ടി​ച്ച്​ പ്ര​തീ​ക്ഷ ന​ൽ​കി​യെ​ങ്കി​ലും പി​ന്നീ​ട്​ നി​റം മ​ങ്ങു​ക​യാ​യി​രു​ന്നു. ദു​ർ​ബ​ല​രാ​യ ബം​ഗ്ലാ​ദേ​ശി​നോ​ടും അ​ഫ്​​ഗാ​നി​സ്​​താ​നോ​ടും സ​മ​നി​ല വ​ഴ​ങ്ങി​യ ടീം ​ഒ​മാ​നോ​ട്​ വീ​ണ്ടും തോ​റ്റ​തോ​ടെ​യാ​ണ്​ ചി​ത്ര​ത്തി​ൽ​നി​ന്ന്​ പു​റ​ത്താ​യ​ത്.

അ​തേ​സ​മ​യം, ഏ​തൊ​ക്കെ മ​ത്സ​ര​ങ്ങ​ൾ നീ​ട്ടി​വെ​ക്ക​ണ​മെ​ന്ന കാ​ര്യ​ത്തി​ൽ ഏ​ഷ്യ​ൻ ഫു​ട്​​ബാ​ൾ ​​അ​സോ​സി​യേ​ഷ​നി​ലെ മ​റ്റ്​ അം​ഗ സം​ഘ​ട​ന​ക​ളു​മാ​യി ച​ർ​ച്ച​ക്കു​ശേ​ഷ​മാ​കും അ​ന്തി​മ തീ​രു​മാ​നം. ഏ​ഷ്യ​ൻ ക​പ്പ്​​ 2023 യോ​ഗ്യ​ത ​ക​ട​ക്കു​മെ​ന്ന പ്ര​തീ​ക്ഷ​യി​ലാ​ണ്​ ഇ​ന്ത്യ.