അണ്ടർ 15 യൂത്ത് ലീഗ്: എം.എസ്​.പി ഫൈനൽ റൗണ്ടിൽ

കൊച്ചി: എ.ഐ.ഐ.എഫ് അണ്ടർ 15 യൂത്ത് ലീഗ് റെസ്​റ്റ്​ ഓഫ് ഇന്ത്യ ഗ്രൂപ് ഇ ചാമ്പ്യൻമാരായി എം.എസ്.പി ഫുട്ബാൾ അക്കാദമി ഫൈനൽ റൗണ്ടിൽ. ചൊവ്വാഴ്ച നടന്ന അവസാന റൗണ്ട് മത്സരത്തിൽ ഡോൺ ബോസ്കോ ഫുട്ബാൾ അക്കാദമിയെ എതിരില്ലാത്ത ആറ്​ ഗോളുകൾക്കാണ് പരാജയപ്പെടുത്തിയത്. പി. അഭിജിത്ത് നാല് ഗോളുകൾ നേടി. 12 പോയൻറുമായാണ് എം.എഫ്.എ അഞ്ച് ക്ലബുകളുള്ള ഗ്രൂപ്പിൽ ഒന്നാം സ്ഥാനത്തെത്തിയത്. മറ്റൊരു മത്സരത്തിൽ ഏകപക്ഷീയമായ മൂന്ന്​ ഗോളുകൾക്ക് കോവളം ഫുട്ബാൾ ക്ലബിനെ കേരള ബ്ലാസ്​റ്റേഴ്സ് പരാജയപ്പെടുത്തി. ഏഴ് പോയ​േൻറാടെ ബ്ലാസ്​റ്റേഴ്സാണ് രണ്ടാംസ്ഥാനത്ത്​. ഡോൺ ബോസ്കോയും പ്രൊഡിജി സ്പോർട്സുമാണ് മൂന്ന്, നാല് സ്ഥാനങ്ങളിൽ.