മുൻ ഫു​ട്​ബാൾ താരം ഡെംപോ ഉസ്​മാൻ വിടവാങ്ങി

കോഴിക്കോട്​: ആദ്യമായി സന്തോഷ്​ട്രോഫി നേടിയ കേരള ഫുട്​ബാൾ ടീമിൽ അംഗമായിരുന്ന ഡെംപോ ഉസ്​മാൻ എന്ന കെ.വി ഉസ ്​മാൻകോയ (74) അന്തരിച്ചു. ഹൃദയാഘാതത്തെ തുടർന്ന്​ കുണ്ടുങ്ങൽ പാലാട്ട്​ വില്ലയിലായിരുന്നു അന്ത്യം.

1973ൽ എറണാക ുളം സന്തോഷ്​ട്രോഫിയിൽ കേരളം കിരീടം നേടിയപ്പോൾ ടീമിലുണ്ടായിരുന്ന ഉസ്​മാൻ അറിയപ്പെടുന്ന സ്​റ്റോപ്പർ ബാക്കായിരുന്നു. 1963ൽ കാലിക്കറ്റ്​ എ.വി.എം സ്​പോർട്​സ്​ ക്ലബിലൂടെയാണ്​ ഉസ്​മാൻ ഫുട്​ബാളിലേക്ക്​ എത്തുന്നത്​. പിന്നീട്​ ജില്ലയിലെ പ്രശസ്​തമായ യംഗ്​ ചലഞ്ചേഴ്​സിന്​ വേണ്ടി പന്ത്​തട്ടി.

സംസ്​ഥാനത്തെ പ്രശസ്​തമായ കളമ​ശ്ശേരി പ്രീമിയർ ടയേഴ്​സ്​, ടൈറ്റാനിയം, ഫാക്​ട്​ എന്നീ ടീമുകളുടെ പ്രതിരോധനിരയിലും ഉസ്​മാൻ സ്​ഥിരംസാന്നിധ്യമായിരുന്നു. പിന്നീടാണ്​ ഡെംപോകായി കളിക്കാൻ ഗോവയിലേക്ക്​ പോയത്​. 1968ൽ ബംഗളുര സന്തോഷ്​ ട്രോഫിയിലും കേരള ടീമിലുണ്ടായിരുന്നു. സംസ്​ഥാന ജൂനിയർ ടീമിൽ അഞ്ച്​ കളിച്ച ശേഷമാണ്​ സീനിയർ ടീമിലെത്തിയത്​. കളിയോട്​ വിടപറഞ്ഞശേഷം ഏ​റെക്കാലം ഗൾഫിലും ജോലി ചെയ്​തു.

ഭാര്യ: പുതിയ സ്രാങ്കിൻറകം കദീജ. സഹോദരൻ: കെ.വി അബ്​ദുറഹ്​മാൻ (അന്ത്രു). കോവിഡ്​ 19 നിയന്ത്രണങ്ങൾ പാലിച്ച്​ കണ്ണംപറമ്പിൽ മൃതദേഹം ഖബറടക്കി.