ഇപ്പോൾ കാ​ലി​നി​ച് കരുതുന്നുണ്ടാകും, വേണ്ടിയിരുന്നില്ല അല്ലേ..

മോ​സ്​​കോ: ലോകകപ്പ് സെമിയിൽ ഇംഗ്ലണ്ടിനെ വീഴ്ത്തി ക്രൊയേഷ്യ കലാശപ്പോരിലേക്ക് എത്തിയതോടെ സാമൂഹിക മാധ്യമങ്ങളിൽ ഏറ്റവും വിമർശനം നേരിടുന്നത് ക്രൊ​യേ​ഷ്യ​ൻ മു​ന്നേ​റ്റ​താ​രം നി​കോ​ള കാ​ലി​നി​ചാണ്. ദേഷ്യം വന്നപ്പോൾ നഷ്ടപ്പെടുത്തിയത് എത്ര വലിയ അവസരമാണെന്ന് കാ​ലി​നി​ച് ഇപ്പോൾ ആലോചിക്കുന്നുണ്ടാകും.

നൈ​ജീ​രി​യ​ക്കെ​തി​രാ​യ ലോകകപ്പിലെ ആ​ദ്യ​ക​ളി​യി​ൽ പ​ക​ര​ക്കാ​ര​നാ​യി ക​ള​ത്തി​ലി​റ​ങ്ങാ​ൻ വി​സ​മ്മ​തി​ച്ച നി​കോ​ള കാ​ലി​നി​ചി​നെ ടീ​മി​ൽ​നി​ന്നും പു​റ​ത്താ​ക്കിയിരുന്നു. ആ​ദ്യ​ക​ളി​യി​ൽ റി​സ​ർ​വ്​ ബെ​ഞ്ചി​ലു​ണ്ടാ​യി​രു​ന്ന കാ​ലി​നി​ചി​നോ​ട്​ മ​ത്സ​ര​ത്തി​​​​െൻറ 86ാം മി​നി​റ്റി​ൽ മാ​ൻ​സു​കി​ചി​ന്​ പ​ക​ര​മി​റ​ങ്ങാ​നാ​ണ്​ കോ​ച്ച്​ സ്ലാ​റ്റ്​​കോ ഡാ​ലി​ക്​​ നി​ർ​ദേ​ശി​ച്ച​ത്.  എ​ന്നാ​ൽ, പിണക്കത്തിലായിരുന്ന താരം താ​ൻ ഫി​റ്റ്​ അ​ല്ലെ​ന്നാണ് കോച്ചിന് മ​റു​പ​ടി നൽകിയത്. ഇ​തോ​ടെ മ​റ്റൊ​രു ക​ളി​ക്കാ​ര​നെ ഇ​റ​ക്കി കോ​ച്ച്​ സ​ബ്​​സ്​​റ്റി​റ്റ്യൂ​ഷ​ൻ ന​ട​ത്തി. 

 തുടർന്ന് ലോ​ക​ക​പ്പ്​ സം​ഘ​ത്തി​ൽ​നി​ന്നും ഒ​ഴി​വാ​ക്കി​യ താ​ര​ത്തെ തുടർന്ന് നാ​ട്ടി​ലേ​ക്ക്​ മ​ട​ക്കി അ​യ​ച്ചു. അപരാജിത കുതിപ്പുമായി തൻറെ ടീം ലോകകപ്പിൻറെ കലാശപ്പോരിലേക്കെത്തുന്നത് വീട്ടിലിരുന്ന് കാണാനാണ് കാ​ലി​നി​ചി​ൻെറ വിധി.