യുക്രെയ്​ന്​ പിന്തുണ; ക്രൊയേഷ്യൻ കോച്ചിങ്​ സ്​റ്റാഫിനെ പുറത്താക്കി

മോസ്​കോ: രാഷ്​ട്രീയ പരാമർശം നടത്തിയതിന്​ ​ക്രൊയേഷ്യയുടെ കോച്ചിങ്​ സ്​റ്റാഫ്​ അംഗം ഒഗ്​നിയൻ വുകോ​െയൻവിച്ചിനെ പുറത്താക്കി. ലോകകപ്പ്​ ക്വാർട്ടർ ഫൈനലിൽ ക്രൊയേഷ്യ, റഷ്യയെ ഷൂട്ടൗട്ടിൽ തോൽപിച്ചതിനു പിന്നാലെയാണ്​ യുക്രെയ്​ൻ അനുകൂല മുദ്രാവാക്യമുള്ള വിഡിയോയെടുത്ത്​ സോഷ്യൽമീഡിയയിൽ പ്രചരിപ്പിച്ചത്​. ഡ്രസിങ്​ റൂമിൽ നിന്നെടുത്ത വിഡിയോയിൽ ഡിഫൻറർ ഡൊമാൻഗോ വിദയുമുണ്ട്​.

ലോകകപ്പിനുശേഷം വിദ​ക്കെതിരെ നടപടി സ്വീകരിക്കാൻ സാധ്യതയുണ്ട്​. വിഡിയോക്കെതിരെ റഷ്യൻ രാഷ്​ട്രീയ നേതാക്കൾ വിമർശനവുമായി രംഗത്തെത്തുകയും ഫിഫയുടെ അച്ചടക്ക സമിതിക്ക്​ പരാതി സമർപ്പിക്കുകയും ചെയ്​തതോടെയാണ്​ നടപടി സ്വീകരിക്കാൻ അസോസിയേഷൻ നിർബന്ധിതമായത്​. വിവാദമായതിനു പിന്നാലെ ഇരുവരും മാപ്പപേക്ഷിച്ചിരുന്നു.

2014 ൽ യുക്രെയ്​നി​​െൻറ ഭാഗമായ ക്രീമിയയെ പിടിച്ചടക്കാനുള്ള റഷ്യൻ ​​െസെനിക നടപടിയാണ്​ ഇരു രാജ്യങ്ങളുടെയും ബന്ധം വഷളാക്കിയത്​​. നേരത്തേ, സെർബിയക്കെതിരായ മത്സരത്തിൽ ഗോൾ നേടിയ അലക്​സാണ്ടർ ഷാക്കിരിയും ഗ്രനിത്​ ഷാക്കെയും അൽബേനിയൻ പതാകയിലെ മുദ്രകാണിച്ച്​ ആഹ്ലാദപ്രകടനം നടത്തിയത്​ വിവാദമായിരുന്നു.

മുൻ ക്രൊയേഷ്യൻ ഗോൾകീപ്പർ കൂടിയായി ഒഗ്​നിയന്​ പിന്തുണയുമായി യുക്രെയ്​ൻ ഫുട്​ബാൾ ഫെഡറേഷൻ രംഗത്തെത്തി. പാർലമ​െൻറംഗം കൂടിയായ ഫെഡറേഷൻ പ്രസിഡൻറ്​ ക്രൊയേഷ്യൻ ജഴ്​സിയണിഞ്ഞാണ്​ കഴിഞ്ഞ ദിവസം സഭയിലെത്തിയത്​. ഒഗ്​നിയന്​ പിഴയടക്കാനുള്ള കാശും ഭാവിയിൽ ജോലിയും അദ്ദേഹം വാഗ്​ദാനം ചെയ്​തു.