പെനാൽട്ടി ഷൂട്ടൗട്ടിൽ ഡെന്മാർക്കിനെ വീഴ്ത്തി ക്രൊ​യേ​ഷ്യ​ ക്വാർട്ടറിൽ (3-2)

റോസ്​തോവ്​: ഷൂട്ടൗട്ട്​ വിധിനിർണയിച്ച പോരാട്ടത്തിൽ ഗോൾകീപ്പർ ഡാനിയേൽ സുബാസിചി​​​െൻറ മികവിൽ ​ക്രൊയേഷ്യ ലോകകപ്പ്​ ക്വാർട്ടർ ഫൈനലിൽ. ഫുൾടൈമും എക്​സ്​ട്രാടൈമും പിന്നിട്ട പോരാട്ടം 1-1ന്​ സമനിലയിൽ പിരിഞ്ഞപ്പോഴാണ്​ കളി ഗോളിമാരുടെ കൈക്കരുത്തിലേക്ക്​ നീങ്ങിയത്​. പിന്നെ കണ്ടത്​ ഡെന്മാർകി​​​െൻറ പീറ്റർ ഷ്​മൈകലും ക്രൊയേഷ്യയുടെ സുബാസിചും തമ്മിലുള്ള പോരാട്ടം. ഒന്നിനൊന്ന സേവുകൾ. സുബാസിച്​ ​ഡെന്മാർകി​​​െൻറ മൂന്ന്​ കിക്കുകൾ തടുത്തിട്ടപ്പോൾ ഷ്​മൈകലിന്​ രണ്ടു കിക്കുകളേ തട്ടിയിടാനായുള്ളൂ. ഷൂട്ടൗട്ടിൽ 3-2ന്​ ക്രൊയേഷ്യ വിജയം (ആകെ 4-3). 

ക്രൊയേഷ്യക്കായി ഗോൾ നേടിയ മരിയോ മാൻസുകിചി​​​െൻറ  ആഹ്ലാദം

 

ആന്ദ്രെ ക്രമാറിച്​, മോദ്രിച്​, റാകിടിച്​ എന്നിവരാണ്​ ക്രൊയേഷ്യക്കായി സ്​കോർ ചെയ്​തത്​. മിലാൻ ബദേയ്​, പിവാരിച്​ എന്നിവരുടെ ഷോട്ടുകൾ ഗോളി തടുത്തിട്ടു. ഡെന്മാർകി​​​െൻറ സിമോൺ കായർ, മൈകൽ ഡെഹ്​ലി എന്നിവർക്കുമാത്രമേ സുബാസിചിനെ മറികടന്ന്​ വലകുലുക്കാനായുള്ളൂ. ക്രിസ്​റ്റ്യൻ എറിക്​സൺ, ലസി ഷോണെ, നികോളായ്​ ജോർജൻസൺ എന്നിവരുടെ ഷോട്ടുകൾ സുബാസിച്​ തടഞ്ഞിട്ടു. 

ഡെന്മാർക്കിനായി ഗോൾ നേടിയ ജോർജൻസണിൻെറ ആഹ്ലാദം

 

കളിയുടെ ഒന്നാം മിനിറ്റിൽ ​മത്യാസ്​ ജോർജൻസണി​​​െൻറ ഗോളിലൂടെ ഡെന്മാർക്കാണ്​ ആദ്യം വലകുലുക്കിയത്​. എന്നാൽ, മൂന്ന്​ മിനിറ്റിനകം മാൻസുകിചി​​​െൻറ ഗോളിലൂടെ ക്രൊയേഷ്യ സമനില പിടിച്ചു. പിന്നീടുള്ള സമയം പൊരുതി കളിച്ചിട്ടും ആർക്കും ഗോൾവലകുലുക്കാനായില്ല. എക്​സ്​ട്രാടൈമിലെ 116ാം മിനിറ്റിൽ ലൂകാ മോദ്രിച്​ പെനാൽറ്റി പാഴാക്കിയെങ്കിലും ഷൂട്ടൗട്ടിൽ ലക്ഷ്യത്തിലെത്തിച്ച്​ മാനംകാത്തു.