ഒമ്പതു മാസത്തിനുശേഷം സ്വർണ്ണക്കപ്പ്​ റഷ്യയിലെത്തി

മോസ്​കോ: വിശ്വമേളയുടെ വിളംബരമറിയിച്ച്​ ലോകം ചുറ്റിയ ​​ ​ട്രോഫി ഒടുവിൽ റഷ്യയിൽ തിരിച്ചെത്തി. കഴിഞ്ഞ സെപ്​റ്റംബറിൽ മോസ്​കോയിൽ തുടങ്ങി റഷ്യയിലെമ്പാടും സഞ്ചരിച്ചശേഷം അതിർത്തി കടന്ന്​ ​വ​ൻകരകളും കടലും താണ്ടി 50 രാജ്യവും കടന്നാണ്​ ഒമ്പതു മാസത്തിനുശേഷം വേൾഡ്​കപ്പ്​ ട്രോഫിയുടെ തിരിച്ചുവരവ്​. 

ടൂർണമ​​െൻറ്​ കിക്കോഫിന്​ 10 ദിവസം മാ​ത്രം ശേഷിക്കെ മോസ്​കോയിലെ ലൂസ്​നിക്കി സ്​റ്റേഡിയത്തിൽ എത്തിയ ട്രോഫിയെ മേയർ സെർജി സോബ്​യാനിൻ, ടൂർണമ​​െൻറ്​ അംബാസഡർ ലിയാസൻ ഉറ്റിയാഷേവ എന്നിവർ സന്നിഹിതരായ ചടങ്ങിൽ ജർമൻ ഇതിഹാസം ലോതർ മത്താവൂസ്​ ജനക്കൂട്ടത്തിന്​ മുമ്പിൽ അനാവരണം ചെയ്​തു​. 

കാണികൾക്ക്​ ആകാംക്ഷക്ക്​ ഇടനൽകാതെ1990ലെ ലോകചാമ്പ്യനായ മത്താവൂസ്​ ലോകകപ്പ്​ പൊതിഞ്ഞിരുന്ന കറുത്ത അനാവരണം നീക്കിയശേഷം കാണികൾക്ക്​ ദർശിക്കാവുന്ന രീതിയിൽ ട്രോഫി ഉയർത്തി പ്രദർശിപ്പിച്ചു.