മൂന്ന്​ പതിറ്റാണ്ടോളം​ നീണ്ട വിലക്ക്​ ഫിഫ നീക്കി; ഇറാഖി​ന്​ ഇനി അന്താരാഷ്​ട്ര ഫുട്​ബാൾ മത്സരങ്ങൾ നടത്താം

ബാഗോട്ട: അന്താരാഷ്​ട്ര ഫുട്​ബാൾ മത്സരങ്ങൾക്ക്​ വേദിയാവാനുള്ള ഇറാഖി​​െൻറ  വിലക്ക് ഫിഫ നീക്കി. കൊളംബിയയിൽ നടന്ന ഫിഫ കൗൺസിൽ മീറ്റിങ്ങിലാണ്​ മൂന്ന്​ പതിറ്റാണ്ടോളം​ നീണ്ടുനിന്ന വിലക്ക്​ നീക്കാൻ ധാരണയായത്​.

1990ലെ കുവൈത്ത്​ യുദ്ധത്തെ തുടർന്ന്​ സുരക്ഷപ്രശ്​നങ്ങൾ കാരണമായിരുന്നു ഫിഫ വിലക്ക്​. അർബിൽ, ബസറ, കർബല എന്നീ നഗരങ്ങളിലെ​ മത്സരങ്ങൾക്കാണ്​ ആദ്യ ഘട്ടത്തിൽ അനുമതിനൽകിയത്​. മറ്റു സ്​റ്റേഡിയങ്ങളിൽ ​പിന്നീട്​ മാത്രമേ അനുമതി നൽകുകയുള്ളൂ.

ഇതോടെ, 30​ വർഷത്തിനു ശേഷം ആദ്യ അന്താരാഷ്​ട്ര മത്സരം 21ന്​ സിറിയക്കെതിരെ ബസറ സ്​റ്റേഡിയത്തിൽ നടക്കും.