സുവാരസിന് ഇരട്ട ഗോൾ; ബാഴ്സലോണക്ക് തകർപ്പൻ ജയം

ബാഴ്സലോണ: വര്‍ഷത്തെ അവസാന പോരാട്ടത്തില്‍ ബാഴ്സലോണക്ക് തകര്‍പ്പന്‍ ജയം. ലാ ലിഗയില്‍ എസ്പാന്യോളിനെ നേരിടാനിറങ്ങിയ ബാഴ്സലോണ 4-1ന്‍െറ ജയവുമായി റയല്‍ മഡ്രിഡുമായുള്ള പോയന്‍റ് വ്യത്യാസം മൂന്നായി കുറച്ചു. ലൂയി സുവാരസ് ഇരട്ട ഗോളടിച്ച് ബാഴ്സയുടെ സ്കോറിങ്ങിന് തുടക്കമിട്ടപ്പോള്‍, ജോര്‍ഡി ആല്‍ബയും ലയണല്‍ മെസ്സിയുമാണ് ശേഷിച്ച ഗോളുകള്‍ നേടിയത്. 16 കളിയില്‍ ബാഴ്സക്ക് 34ഉം, 15 കളിയില്‍ റയലിന് 37ഉം പോയന്‍റാണ്. ജനുവരി ആദ്യ വാരത്തിലാണ് ബാഴ്സയുടെ അടുത്ത മത്സരം.