ഇന്ത്യയുടെ പരിശീലകനാവാൻ താൽപര്യമറിയിച്ച്​ മുൻ ഇംഗ്ലീഷ്​ സൂപ്പർ കോച്ച്​ എറിക്​സൺ

ന്യൂഡൽഹി: ഇന്ത്യൻ ഫുട്​ബാൾ ടീമി​​െൻറ പരിശീലകനാവാൻ താൽപര്യമറിയിച്ച്​ മുൻ ഇംഗ്ലീഷ്​ സൂപ്പർ കോച്ച്​ സ്വെൻഗൊ രാൻ എറിക്​സൺ. ഏഷ്യൻ കപ്പ്​ ഫുട്​ബാളിനു പിന്നാലെ പരിശീലകസ്​ഥാനമൊഴിഞ്ഞ സ്​റ്റീഫൻ കോൺസ്​റ്റ​ൈൻറ​ന്​ പിൻഗാമി യെ തേടുന്നതിനിടെയാണ്​ ലോക ഫുട്​ബാളിലെ മുൻനിര പരിശീലകരിൽ ഒരാൾ ഇന്ത്യയെ കളിപഠിപ്പിക്കാൻ ഇഷ​​്ടം പ്രകടിപ്പിച ്ചത്​. പുതിയ കോച്ചിനെ തേടുന്ന അഖിലേന്ത്യ ഫുട്​ബാൾ ഫെഡറേഷൻ മുമ്പാകെ എറിക്​സ​ണി​െൻറ ഏജൻറ്​ അപേക്ഷ നൽകിയതായാണ് ​ റിപ്പോർട്ട്​.

കോൺസ്​റ്റ​​ൈൻറ​​െൻറ പകരക്കാരനെ തിരക്കുപിടിച്ച്​ നിയമിക്കേ​െണ്ടന്നാണ്​ എ.​െഎ.എഫ്​.എഫി​​െൻറ തീരുമാനം. മുൻ ഇന്ത്യൻ താരങ്ങളും വിദേശ കോച്ചുമാരും ഉൾപ്പെടെ നിരവധി പേരുടെ അപേക്ഷകൾ ഇതിനകം അഖിലേന്ത്യ ഫുട്​ബാൾ ഫെഡറേഷൻ ആസ്​​ഥാനത്ത്​ ലഭിച്ചുകഴിഞ്ഞു. അപേക്ഷകരിൽനിന്ന്​ ഇന്ത്യൻ ഫുട്​ബാളിന്​ മികച്ച സംഭാവന നൽകാൻ കഴിയുന്നവരെ പരിഗണിക്കാനാണ്​ ഫെഡറേഷൻ താൽപര്യം.

ഏഷ്യൻ കപ്പിൽ ഫിലിപ്പീൻസി​​െൻറ പരിശീലകനായിരുന്നു എറിക്​സൺ. ടൂർണമ​െൻറിൽ ഒരു ജയംപോലുമില്ലാതെ ടീം മടങ്ങിയതിനു പിന്നാലെയാണ്​ സ്വീഡിഷുകാരൻ രാജിവെച്ചത്​. 1977 മുതൽ പരിശീലക വേഷത്തിലുള്ള എറിക്​സൺ എ.എസ്​ റോമ (1984-87), ബെൻഫിക (1989-92), ഇംഗ്ലണ്ട്​ (2001-06), മാഞ്ചസ്​റ്റർ സിറ്റി (2007-08), മെക്​സികോ (2008-09), ലെസ്​റ്റർ സിറ്റി (2010-11) ടീമുകളുടെ പരിശീലകനായിരുന്നു.

എറിക്​സൺ ​നേരിട്ട്​ ഫെഡറേഷനെ സമീപിച്ചിട്ടില്ലെന്നും അദ്ദേഹത്തി​​െൻറ ഏജൻറ്​ വഴി താൽപര്യം അറിയിച്ചതായും എ.​െഎ.എഫ്​.എഫ്​ പ്രതിനിധിയെ ഉദ്ധരിച്ച്​ ദേശീയ മാധ്യമം ​റിപ്പോർട്ട്​ ചെയ്​തു. ഏപ്രിൽ മധ്യത്തോടെ ​പുതിയ കോച്ചി​​െൻറ കാര്യത്തിൽ തീരുമാനമെടുക്കാനാണ്​ നീക്കം. ​സൂപ്പർ ലീഗിലൂടെ ഇന്ത്യൻ ഫുട്​ബാളിനെ പരിചയപ്പെട്ട വിദേശികളും പരിഗണനയിലുണ്ട്​.