ഗണ്ണേഴ്​സിനെ വീഴ്​ത്തി ലിവർപൂൾ; ചെൽസിക്കും ജയം

ലണ്ടൻ: ചുവന്ന ചെകുത്താന്മാരുടെ സ്വന്തം കളിമുറ്റത്ത്​ ആദ്യം ഗോൾ നേടി 30 വർഷത്തെ ചരിത്രം തിരുത്തിയ സംഘം പിന്നീ ട്​ അഞ്ചെണ്ണം തിരികെവാങ്ങി വൻ തോൽവിയുടെ ഭാരവുമായി മടങ്ങുക. ആൻഫീൽഡിൽ ശനിയാഴ്​ച ലിവർപൂളിനും ആഴ്​സനലിനും മറക്കാനാവാത്ത ദിനമായിരുന്നു. ജയിക്കാനുറച്ച്​ തുടക്കത്തിലേ ആക്രമണത്തി​​െൻറ കെട്ടഴിച്ച ആഴ്​സനൽ താങ്ങാവുന്നതിലേറെ വാങ്ങി ദുരന്തമായപ്പോൾ ഗോളുകൾ അടിച്ചുകൂട്ടി ലിവർപൂൾ തലപ്പത്തെ ലീഡ്​ പിന്നെയും ഉയർത്തി. പ്രീമിയർ ലീഗ്​ കിരീടപ്പോരാട്ടത്തിൽ തൊട്ടരികെയുണ്ടായിരുന്ന ​ഹോട്​സ്​പർ ദുർബലരായ എതിരാളികളോട്​ മാനംകെട്ടതിനു പിറകെയായിരുന്നു ലിവർപൂളി​​െൻറ 5-1​​െൻറ തകർപ്പൻ വിജയം.

പുതിയ കോച്ചിനു കീഴിൽ പുതുപാഠങ്ങളുമായി പ്രീമിയർ ലീഗിൽ മോശമല്ലാതെ പൊരുതുന്ന ഗണ്ണേഴ്​സിനുമേൽ വീണ ഇടിത്തീയായിരുന്നു ശനിയാഴ്​ചത്തെ മത്സരം. 11ാം മിനിറ്റിൽ ലിവർപൂൾ പ്രതിരോധത്തെ നെടുകെ പിളർത്തി ​എയിൻസ്​ലി മെയ്​റ്റ്​ലാൻഡ്​ ഉജ്ജ്വല ഗോളുമായി ടീമിന്​ മോഹിപ്പിക്കുന്ന തുടക്കം നൽകിയെങ്കിലും മിനിറ്റുകൾക്കിടെ ഗോളുകൾ പെരുമഴയായി വീണ്​ ടീം നിഷ്​പ്രഭമാകുകയായിരുന്നു.

ലീഗിൽ ടോപ്​സ്​കോറർ പട്ടികയിലുള്ള ഒബൂ​മെയാങ്​ 70 മിനിറ്റ്​ കളത്തിൽ നിന്നിട്ടും 13 തവണയാണ്​ പന്ത്​ തൊട്ടത്​. അതിൽ ആറും ഫ്രീകിക്കുകളും. പ്രതിരോധത്തെക്കാൾ ആക്രമണ​ത്തിന്​ പ്രാമുഖ്യം നൽകിയതാണ്​ ആഴ്​സനലിന്​ ദുരന്തമായത്​. മറ്റൊരു മത്സരത്തിൽ ക്രിസ്​റ്റൽ പാലസിനെ എതിരില്ലാത്ത ഒരു ഗോളിന്​ ചെൽസി വീഴ്​ത്തി. 51ാം മിനിറ്റിൽ കാ​​െൻറയാണ്​ വിജയ ഗോൾ കുറിച്ചത്​.